საქართველოს ევროპაში 3 000 ტონა ლოკოკინის ექსპორტის პოტენციალი აქვს

საქართველოს ევროპაში 3 000 ტონა ლოკოკინის ექსპორტის პოტენციალი აქვს

access_time2022-01-20 15:00:05

ევროპის ბაზარზე ქართული ლოკოკინების პირველი პარტია აგვისტო-სექტემბერში გავა. საქართველოში ლოკოკინების პირველი ფერმის - ,,ნადი გრუპის“ დამფუძნებლის მერაბ ნადარაიას ინფორმაციით, ხორცთან ერთად,  ევროპაში დიდი მოთხოვნაა ასევე ევროპული ფარმაცევტული კომპანიების მხრიდან ლოკოკინების ლორწოზე, რაც მედიკამენტების ასევე კოსმეტიკური საშუალებების დასამზადებლად გამოიყენება. დღეისათვის საქართველოში წლიურად 300 ტონა ლოკოკინა იწარმოება.



,,ლოკოკინა არის ძა­ლი­ან სა­სარ­გებ­ლო, მა­ღა­ლი პრო­ტე­ი­ნის შემ­ცვე­ლო­ბისაა. ძა­ლინ ბევ­რმა ქვე­ყა­ნამ მისი აქ­ტი­უ­რად მოხ­მა­რე­ბა და­ი­წყო იმის გამოც, რომ ქო­ლეს­ტე­რი­ნს საერთოდ არ შეიცავს. თა­ვი­დან მისი მომ­ხმა­რე­ბე­ლი იყო საფ­რან­გე­თი, ბოლო 15 წლის განმვა­ლო­ბა­ში გან­ვით­რდა იტა­ლა­ი­ში, პორ­ტუ­გა­ლი­ა­ში, ეს­პა­ნეთ­სა და ინ­გლის­ში. ლოკოკინების ინდუსტრია ახლა ვი­თარ­დე­ბა ამე­რი­კა­სა და ჩი­ნეთ­ში. დაინტერესებაა ჰოლანდიიდან სამკურნალო ფარმაცევტული კომპანიების მხრიდან. აღმოჩნდა, რომ ლოკოკინის ლოსიონს ითხოვენ კოსმეტიკური პროდუქტების მსხვილი მწარმოებლებიც.  ქარხანაში გვექნება ლორწოს შემკრები სპეციალური აპარატიც და მალე ლოკოკინის ხორცის პარალელურად, მისი ლორწოს რეალიზაციასაც შევძლებთ“, - ამბობს მერაბ ნადარაია.

 


ამ დროისთვის საქართველოს მასშტაბით 52 ფერმაა და ყველა მათგანი ევროპულ სტანდარტს 100%-ით აკმაყოფილებს. ფერმერები ,,ნადი გრუპის“ სპეციალისტების მიერ არიან მომზადებული და ზოგიერთმა მათგანმა პროდუქცია უკვე მიიღო.

 


როგორც მერაბ ნადარია ,,კომერსანტთან“ ამბობს, ევროპის ბაზრის გახსნა დიდ შერავათს მოუტანს როგორც მეწარმეებს, ასევე ეკონომიკასაც  და ახალ სამუსაო ადგილებს შექმნის.



,,რამდენიმე წელია, ვამზადებთ ფერმერებს ლოკოკინის ბიზნესისთვის, ამისთვის ვატარებთ უფასო სწავლებებს და ჩვენი ქოლგის ქვეშ უკვე 52 ფერმაა, მათგან ყველა ევროპულ სტანდარტს აკმაყოფილებს. ეს ნიშნავს, რომ ფერმებს აქვთ ევროკავშირში პროდუქტის გატანის რეალური შესაძლებლობა.  ლოკოკინის ფერმები  მთელი ქვეყნის მასშტაბით არიან განაწილებული როგორც დასავლეთ, ასევე აღმოსავლეთ ნაწილში, მათ შორის, რაჭაშიც. ზოგი წელს მიიღებს პირველ პროდუქტს, ზოგმა - უკვე მიიღო. გარდა ამისა, სამი წელია, აქტიურად  ვმუშაობთ, რომ ევროპის ბაზარზე გავიდეთ. არ მოგვერიდება თქმა, რომ შედეგი  ჩვენი მონდომებით არის მიღწეული. ცხადია, მთავრობამ დიდი წვლილი შეიტანა და ბოლოს მოხერხდა ევროკავშირის ბაზარზე საქართველოში წარმოებული ლოკოკინების დაშვება. ახალ ქარხანას 4-5 თვეში ავამუშავებთ და გარდა ნედლეულისა, უკვე  გადამუშავებული ლოკოკინების გატანასაც შევძლებთ. პირველი პარტია აგვისტო-სექტემბერში გავა“, - ამბობს მერაბ ნადარაია ,,კომერსანტთან“.




ლოკოკინების წარმოება თითქმის მთლიანად ექსპორტზეა გათვლილი. ადგილობრივ ბაზარზე მოთხოვნა 5-7%-ს არ აღემატება.



როგორც  ნადარაია აღნიშნავს,  შიდა ბაზარზე მოთხოვნა ფაქტობრივად არ არის, რაც დაბალი ცნობადობით არის გამოწვეული. 



,,პროდუქტის სასარგებლო თვისებებიდან გამომდინარე, უცხოელი პარტნიორების ცოცხალი ლოკოკინების მიმართ დიდ ინტერესს იჩენენ, საქართველოში შესაძლებელია  მხოლოდ გადამუშავებული  ნაწარმი გაიყიდოს, ცოცხალი ლოკოკინების რეალიზაციის პრობლემა აქ დიდხანს იქნება, ამ პროდუქტისადმი ქართველების დამოკიდებულების გამო“, - ამბობს მეწარმე.



მისივე ინფორმაციით, ამ ეტაპზე ლოკოკინების წლიური წარმოება 300 ტონაა. ქარხნის ამუშავების შემთხვევაში ეს მაჩვენებელი 3 000 ტონამდე გაიზრდება. ქარხანაში პირველ ეტაპზე 70 ადამიანი დასაქმდება.



ამ ეტაპზე ,, ნადი გრუპის“ ფერმაში 35 ადამიანია დასაქმებული.



რაც შეეხება ლოკოკინის ფასს, 1 კგ. პროდუქტი ევროპაში 5 ევრო ღირს.



ცნობისთვის, ხობის მუნიციპალიტეტის სოფელ ახალ ხიბულაში ლოკოკინების ფერმა „ნადი გრუპი“ სახელმწიფოს დახმარებით, „ერთიანი აგროპროექტის“ ფარგლებში აშენდა.



სოფლის მეურნეობის სამინისტროს ინფორმაციით, ფერმის ასაშენებლად ჯამურად 1 410 000 ლარის ინვესტიცია განხორციელდა, საიდანაც 1 260 000 ლარი ბენეფიციარმა შეღავათიანი აგროკრედიტით მიიღო.



მარი ჩიტაია 






„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up