მილიარდერი და ქველმოქმედი, სტივ ჯობსის ქვრივი ყოველთვის დაინტერესებული იყო განათლების და სასკოლო რეფორმით. სხვა მდიდარი ქვრივებისგან განსხვავებით, პაუელ ჯობსმა თავისი ცხოვრება გარდაცვლილი მეუღლის გლოვას არ მიუძღვნა. მისი საქმიანობის და პროექტების დიდ ნაწილს სტივ ჯობსთან არავითარი კავშირი არა აქვს. გასულ თვეში, სექტემბერში, პაუელმა განაცხადა, რომ ქმნის 3,5-მილიარდიან ფონდს, რომელიც კლიმატური კატასტროფებით იქნება დაკავებული.
სტივ ჯობსის გარდაცვალებიდან 10 წელიწადში მისმა ქვრივმა მემკვიდრეობად დარჩენილი ქონება, Apple-ს და Disney-ს აქციების წყალობით, გააორმაგა. ამ დროისთვის მისი კაპიტალის 16 მლრდ. დოლარს შეადგენს. ის ფლობს კალათბურთის გუნდს, Washington Wizards-ს, ასევე წილებს ჰოლივუდის 3 კინოსტუდიაში და კორპორაცია The Atlantic-ში შემავალ რამდენიმე კომპანიას.
90-იან წლებში მათ დაარსა კომპანია Terravera, რომელიც ნატურალურ პროდუქტებს ქმნიდა, მოგვიანებით, მან ამ კომპანიაში უშუალო საქმიანობა შეწყვიტა და შექმნა ფონდი College Track, რომელიც ღარიბ აბიტურიენტებს უმაღლეს სასწავლებლებში გამოცდების ჩაბარებაში ეხმარებოდა.
2000 წელს პაუელმა დააარსა ფონდი Emerson Collective, რომელიც განათლებაში ინვესტირებას ახორციელებს.
პაუელი ასევე პოლიტიკური დონორია, მან 15 მლნ. დოლარი მემარცხენე პოლიტიკოსების საარჩევნოკ ამპანიას შესწირა.
დღეს ის ძალიან განსხვავდება იმ ქალისგან, რომელიც წლების მანძილზე მეუღლის ჩრდილში იმყოფება და ამით კმაყოფილდება
„მას ერთი საოცარი თვისება აქვს, - როდესაც გესაუბრებათ, გექმნება შთაბეჭდილება, რომ თქვენ დედამიწაზე ერთად-ერთი ადამიანი ხართ“ - განაცხად აჟურნალ Vanity Fair-ს რედაქტორმა გრეიდონ კარტერმა. მისივე თქმით, პაუელ ჯობსი ძალიან თავმდაბალია და მასთან ერთად მომუშავე ადამიანებისგანაც იმავეს მოელის. ის განთქმული აცნობისმოყვარეობით და შეკითხვებზე მეტ დროსხ არჯავს, ვიდრე საკუთარი აზრის გამოთქმაზე.
პაუელის უახლოესი მეგობრები არიან Apple-ის გენერალური დირექტორი ტიმ კუკი და დიზაინის საკითხებში ყოფილი დირექტორი ჯონიაივი.
სტივ ჯობსმა და პაულმა ერთმანეთი საუნივერსიტეტო აუდიტორიაში გაიცნეს, სადაც გვერდი-გვერდ ისხდნენ. ჯობსის თქმით, მას შეექმნა შთაბეჭდილება, რომ მთელი ცხოვრება მასთან უნდა გაატაროს.
მოგვიანებით სტივმა პაუელი პაემანზე დაპატიჟა. იმ დროისთვის Apple-ის დამაარსებელს ქალიშვილი ლიზა ჰყავდა, რომელსაც პირველ წლებში შვილად არ აღიარებდა. სტივს და პაუელს 3 შვილი ჰყავთ. 2020 წელს პაუელმა განაცხადა, რომ მათ მემკვიდრეობის გარეშე დატოვებს, რადგანაც ამხელა კაპიტალის ერთ ოჯახში დაგროვებას ის არასწორად მიიჩნევს.
„ეს ქონება ჩემს სიცოცხლესთან ერთად დასრულდება“ - განაცხადა მან.
პაუელი ბოლომდე სტივ ჯობსთან იყო. ის პირველი დაემშვიდობა მეუღლეს.
ავტორი :თენგიზ აბლოთია