10 თვეში ფულადი გზავნილები 73.4%-ით, ტურიზმის შემოსავლები 183.2%-ით, სავაჭრო დეფიციტი კი 32.7%-ით გაიზარდა - ამის შესახებ ინფორმაცია Galt&Taggart-ის კვირის მიმოხილვაშია აღნიშნული.

2022 წლის ოქტომბერში ფულადი გზავნილების წლიური ზრდა 142.9%-მდე დაჩქარდა და 502.0 მლნ აშშ დოლარი შეადგინა წინა თვის 84.6%-იანი ზრდის შემდეგ, ხოლო სებ-ის წინასწარი შეფასებით, 2022 წლის ოქტომბერში ტურიზმიდან მიღებული შემოსავლები 2019 წლის ოქტომბრის დონესთან შედარებით 126.4%-ით აღდგა და 337.3 მლნ აშშ დოლარი შეადგინა.

ფულადი გზავნილები წლიურად გაიზარდა შემდეგი ძირითადი დონორი ქვეყნებიდან: რუსეთი (+725.6%, მთლიანის 59.6%, ამ თანხის ნაწილი მიგრაციას უკავშირდება), იტალია (+8.1%), აშშ (+26.5%), ისრაელი (+7.5%), ყირგიზეთი (+163.7%) და გერმანია (+42.1%). ამასთან, ფულადი გზავნილების წლიური შემცირება გაგრძელდა საბერძნეთიდან (-0.3%) ოქტომბერში.

2022 წლის პირველ 10 თვეში ფულადი გზავნილები წლიურად 73.4%-ით გაიზარდა და 3.3 მლრდ აშშ დოლარი შეადგინა.  (+137.1% წ/წ). ჯამურად, 2022 წლის პირველ 10 თვეში, ტურიზმის შემოსავლებმა 2.9 მლრდ აშშ დოლარი შეადგინა (+183.2% წ/წ), რაც 2019 წლის პირველი 10 თვის შემოსავლების 100.2%-ია.

2022 წლის ოქტომბერში ექსპორტის ზრდის ტემპი 9.2%-მდე შენელდა და 448.8 მლნ აშშ დოლარი შეადგინა, წინა თვის 40.0%-იანი ზრდის შემდეგ. ამასთან, იმპორტის ზრდის ტემპი 19.9%-მდე დაჩქარდა და 1.1 მლრდ აშშ დოლარი შეადგინა, წინა თვის 14.5%-იანი ზრდის შემდეგ. შედეგად, სავაჭრო დეფიციტი 28.3%-ით გაიზარდა და 673.9 მლნ აშშ დოლარი შეადგინა, წინა თვის 1.9%- იანი კლების შემდეგ. ჯამურად, 2022 წლის პირველ 10 თვეში, სავაჭრო დეფიციტი წლიურად 32.7%-ით გაიზარდა და 6.1 მლრდ აშშ დოლარი შეადგინა, რადგან ექსპორტი 34.0%-ით გაიზარდა 4.5 მლრდ აშშ დოლარამდე, ხოლო იმპორტი 33.2%-ით გაიზარდა 10.7 მლრდ აშშ დოლარამდე.