სს „საკრედიტო საინფორმაციო ბიურო კრედიტინფო საქართველოს“ საოპერაციო მოგებამ 2021 წელს 3 108 953 ლარი შეადგინა, რაც 2020 წლის მაჩვენებლებთან შედარებით თითქმის 11%-ით მეტია.

ანგარიშგების მიხედვით, გასულ წელს კომპანიის მთლიანი სრული შემოსავალი 2 888 154 ლარი იყო, ამონაგები კი 7 331 785 ლარი. 

კრედიტინფოს აქტივები 2021 წელს 11 427 970 ლარი იყო, რაც 2020 წლის მაჩვენებელს თითქმის 2 მლნ ლარით აღემატება. რაც შეეხება კაპიტალს, ორგანიზაციას ამ მიმართულებითაც ზრდა აქვს და გასულ წელს ის 10 521 019 ლარი იყო. ვალდებულებები კი 417%-ით გაიზარდა და 906 951 ლარი გახდა, 2020 წელს კი ის მხოლოდ 175 335 ლარი იყო.

2021 წლის განმავლობაში ორგანიზაცია 31 თანამშრომელს ასაქმებდა და ჯამში მათზე გაცემულმა ხელფასებმა და თანამშრომელთა სხვა სარგებელმა 1 576 326 ლარი შეადგინა, რაც თითო თანამშრომელზე თვეში საშუალოდ 4200 ლარს ნიშნავს.

კომპანია ფლობს საკრედიტო მონაცემთა ბაზას და გადაწყვეტილების მისაღებად საჭირო ინფორმაციას აწვდის ბანკებს, მიკროსაფინანსო ორგანიზაციებს, სალიზინგო კომპანიებსა და სხვა ორგნიზაციებს, რომლებიც გასცემენ სესხებს ან აწვდიან საქონელს და მომსახურებას შემდგომი გადახდის პირობით.

კომპანია დარეგისტრირებულია 2005 წელს, მისი მფლობელები კი არიან :

Credit info International GmbH (Creditinfo Group hf-ის შვილობილი) – 36.76%;

სს „თიბისი ბანკი“ - 21.08%;

სს „პროკრედიტ ბანკი“ 21.08%;

სს „საქართველოს ბანკი“ 21.08%;

შეგახსენებთ, რომ 13 ოქტომბრიდან კრედიტინფოს ბაზაც გამსხვილდა. 3 მლნ-იანი ზღვარი გაიზარდა და ნოემბერში უკვე განახლებული სტატისტიკა გამოქვეყნდება - ინფორმაციას 10 მლნ ლარამდე მსესხებლების ისტორიის მიხედვით. კომპანიის მენეჯმენტს კი მე-5 დირექტორი ირაკლი ელაშვილი შეემატა.