აშშ-მა დღეს 4 აპრილს, ესპანეთში დააკავა სუპერიახტა, რომელიც, სავარაუდოდ, რუს ოლიგარქ ვიქტორ ვექსელბერგს ეკუთვნოდა. - ამის შესახებ ინფორმაციას business insider associated press-ზე დაყრდნობით ავრცელებს.
გამოცემის ცნობით დაყადაღება აშშ-ს მთავრობისთვის პირველი იყო მას შემდეგ, რაც გასულ თვეში ვექსელბერგის და რუსეთის პრეზიდენტ ვლადიმერ პუტინთან დაკავშირებული სხვა რუსი ოლიგარქების წინააღმდეგ სანქციები დაწესდა.
FBI და ესპანეთის სამოქალაქო გვარდიის წევრებმა გემი ორშაბათს დილით გაჩხრიკეს, ეს ინფორმაცია ესპანეთის სამოქალაქო გვარდიის წარმომადგენელმა Associated Press-ს დაუდასტურა.
Associated Press - ის ცნობით ჩამორთმეული იახტა ცნობილია როგორც „ტანგო“ და ის ესპანეთში, პალმა დე მალიორკაში მდებარე მარინა რეალში მდებარეობს. Super Yacht Fan-ის თანახმად, მეგაიახტის სიგრძე 254 ფუტია და მას 22 კაციან ეკიპაჟთან ერთად 14 სტუმრის განთავსება შეუძლია. გემი 120 მილიონ დოლარად არის შეფასებული.
გემი რუს მილიარდერს Renova Group-ს, ლითონების, სამთო და ენერგეტიკული კონგლომერატის ხელმძღვანელს ვექსელბერგს ეკუთვნის. გავრცელებული ინფორმაციით იგი პუტინის ახლო მოკავშირეა და ბლუმბერგის მილიარდერების ინდექსის მიხედვით მისი ქონება დაახლოებით 16,9 მილიარდ დოლარს შეადგენს. მარტიდან შეერთებულმა შტატებმა ქვეყანაში Vekselberg-ის აქტივები გაყინა ამერიკულ კომპანიებს რუს მილიარდერებთან ბიზნესის წამოება აუკრძალა.
იხტა
