ამერიკელმა ექსპერტებმა დაადგინეს, რომ ე.წ. „მილენიალების“ (18-დან 40 წლამდე ასაკის ადამიანები) თითქმის 50% თამაშის კაპიტალისტურ წესზე უარს აცხადებს, რაც იმას ნიშნავს, რომ  ნაკლებ სესხებს იღებს, ცდილობს პირადი საკუთრება მინიმუმამდე დაიყვანოს, იშვიათად სარგებლობს იპოთეკით, და გაცილებით ნაკლებ ავტომობილს ყიდულობს. 

ბრიტანეთში 35 წლამდე ასაკის მოქალაქეთა ნახევარს სახლის და ავტომობილის ფლობა არ სურს და უპირატესობას გრძელვადიან ქირას ანიჭებს,

უძრავი ქონების ექსპერტები ვარაუდობენ, რომ 2070 წელს ამერიკაში და ევროპაში საკუთარ სახლებში ან ბინებში არავინ იცხოვრებს, რადგანაც საცხოვრებლის ქირაობა ყიდვაზე გაცილებით მარტივი იქნება - ასეთ შემთხვევაში ადამიანი არაა დამოკიდებული კონკრეტულ ქალაქზე, მას ასევე არ მოუწევს ავეჯის ყიდვა, რემონტის გაკეთება, და ა.შ.

ნებისმიერ მომენტში შესაძლებელი იქნება სხვა ქალაქში გადაბარგება, სადაც კარიერისთვის უკეთესი შესაძლებლობები ექნება. ახალგაზრდა და პროგრესიული ადამიანებისთვის შთაბეჭდილებები, ემოციები და გამოცდილება ბევრად უფრო მნიშვნელოვანია, ვიდრე სტაბილურობა და ძვირადღირებული აქტივის ფლობის ფაქტი.

ამ ტენდენციას სრულად შეესაბამება განვითარებული ქვეყნების დიდ ქალაქებში ზრდადი სერვისის, კარშერინგის, პოპულარობა. ამ მომსახურებით სარგებლობენ ისინი, ვისაც მანქანა არ ჰყავს და მის ყიდვას არც გეგმავს.

მანქანის ქირაობის პრინციპი ასევე პასუხობს თანამედროვე ახალგაზრდების ერთ-ერთ პრიორიტეტს, გარემოს დაცვას. ამ ეტაპზე წარმოდგენა, რომ კარშერინგი ატმოსფეროს დაბინძურებას ამცირებს, მეცნიერულად დადასტურებული არაა, თუმცა, ცხადია, რომ ეს მომსახურება პირადი მანქანების გამოყენებას მნიშვნელოვნად შეამცირებს.

შერინგის ტრენდის ზრდას ასევე ხელი შეუწყო პანდემიამ, რადგანაც სულ უფრო მეტი ადამიანი გადავიდა დისტანციურ სამუშაოზე, შესაბამისად, ისინი ნაკლებად დადიან ოფისებში, ნაკლებად გადაადგილდებიან ქალაქების ქუჩებში.

ამავე დროს მიწოდების სერვისები იმდენად განვითარდა, რომ სახლიდან გასვლა საერთოდ არაა აუცილებელი.

ერთის მხრივ, ეს ადამიანებს საკუთარი ავტომობილის ფლობის აუცილებლობისგან ათავისუფლებს, მაგრამ სხვა პრობლემას წარმოშობს: პანდემიის დროს არც თუ მიზანშეწონილია, მანქანის გამოყენება, რომლითაც დღეში რამდენიმე ათეული ადამიანი მოძრაობს.

ამ გამოწვევას უპასუხა გერმანულმა ავტოკონცერნმა Audi-მ, რომელმაც ახალი სერვისი Audi Drive დააარსა, რომელიც კლიენტებს მანქანების გრძელვადიან ქირას სთავაზობს. ავტომობილის დაჯავშნა შესაძლებელია 6,9. 12, თვით, ასევე 2-3 წლით. ეს სერვისი მომხმარებლებს სიცოცხლეს მნიშვნელოვნად უმარტივებს. მას არ სჭირდება ბიუროკრატიული და ტექნიკური პროცედურების გავლა, დაზღვევა, ტექნიკური დათვალიერება, ზამთრის საბურავების დაყენება, რემონტი და ა.შ. ავტომობილის შეკეთება ხელმოწერის ფასში შედის - თუ მანქანა რემონტს საჭიროებს, კომპანიის წარმომადგენელი წაიყვანს მას კლიენტის გარეშე და სრულიად უფასოდ მას უკვე შეკეთებულს დაუბრუნებს.

სერვისის ასეთი მრავალფეროვნება არის Audi Drive-ის უპირატესობა კარშერინგის სისტემასთან შედარებით.

წყარო: Forbes

ავტორი: თენგიზ აბლოთია