საქართველოს მთავარი საექსპორტო სავაჭრო პარტნიორი სომხეთი გახდა. მიმდინარე წლის ორ თვეში საქართველომ მეზობელთან  133.1 მლნ. აშშ დოლარის პროდუქცია გაიტანა. 2021 წელს ეს მაჩვენებელი 45.6 მილიონი აშშ დოლარი იყო, რაც იმას ნიშნავს რომ მაჩვენებელი 191,7%-ით არის გაზრდილი.

რა  გააქვს საქართველოს სომხეთში.

როგორც საქსტატის მონაცემებიდან ჩანს საქართველოდან სომხეთში საექსპორტო ყველაზე მსხვილი ჯგუფია მსუბუქი ავტომობილები -  იანვარ-თებერვალში საქართველოდან სომხეთში 50 მილიონ დოლარზე მეტი ღირებულების ავტომობილი გავიდა.

გარდა ამისა 20 მილიონიანი ექსპორტი განხორციელდა ისეთი ავტომობილებისა, რომელიც განკუთვნილია 10 ან მეტი ადამიანი გადასაყვანად. ასევე ექსპორტზე გავიდა ბულდოზერები, ავტოგრეიდერები, ექსკავატორები, სატკეპნი მანქანები და სხვა 3.5 მილიონი, სატვირთო ავტომობილები 1.7 მილიონი, ტრაქტორები და უნაგირა საწევარები 1.4 მილიონი.

გამომთვლელი მანქანები და მათი ბლოკები 3.3 მილიონი,   სატელეფონო აპარატები, ფიჭური ქსელებისთვის ან სხვა უსადენო ქსელებისთვის განკუთვნილი ტელეფონების ჩათვლით 1.1 მილიონი,

3 მილიონის ღირებულების ფქვილი და გრანულები ხორცის, თევზის ან კიბოსნაირებისაგან.

ნაწარმი თაბაშირის ან მის საფუძველზე დამზადებული 1.5 მილიონი, წყლები, მინერალურისა და დაგაზიანებულის ჩათვლით, შაქრის დანამატების შემცველობით 1.5 მილიონი, ციტრუსების ნაყოფი ახალი ან გამხმარი 1.5 მილიონი,  პროდუქტები, ცხოველების საკვებად გამოსაყენებელი  1.3 მილიონი, ხორცი და კვების სუბპროდუქტები შინაური ფრინველის, ახალი, გაცივებული ან გაყინული 1.3 მილიონი,

სამკურნალო საშუალებები დაფასოებული 1 მილიონი, ვაქცინები, სისხლი და იმუნური პროდუქტები 0.9 მილიონი, იარაღი და ინვენტარი ფიზკულტურული საქმიანობისათვის 0.7 მილიონი, ნართი სინთეზური ბოჭკოებისაგან, საცალო გაყიდვისათვის დაუფასოებელი 0.7 მილიონი,  ცემენტი 0.6 მილიონი.

სანიტარულ-ჰიგიენური საფენები და ტამპონები, ბავშვის სახვევები და ამოსაფენები და ანალოგიური ნაწარმი, ნებისმიერი მასალისაგან 0.8 მილიონი.

სომხეთში ექსპორტზე გადის კვების პროდუქტები, ტანსაცმელი და ა.შ