საქართველოში, მიმდინარე მომენტისთვის, ნავთობის ძებნა-ძიების და მოპოვების საქმიანობას სახელმწიფოსთან გაფორმებული პროდუქციის წილობრივი განაწილების 27 ხელშეკრულების საფუძველზე, საერთაშორისო ტენდერებით შერჩეული, 10 ინვესტორი ახორციელებს. ამის შესახებ „ბანკები და ფინანსებს“ ნავთობისა და გაზის სახელმწიფო სააგენტოდან აცნობეს.
როგორც საგენტოში აცხადებენ, 2013 წლიდან დღემდე ჩატარებულია ნავთობისა და გაზის რესურსებით სარგებლობის ღია საერთაშორისო ტენდერი ხმელეთის 15 სალიცენზიო ბლოკზე და შავი ზღვის ერთ სალიცენზიო ბლოკზე.
საქართველოში ნავთობისა და გაზის საძიებო და მოპოვებით სამუშაოებს, შესაბამისი ხელშეკრულებების საფუძველზე, ახორციელებენ შემდეგი კომპანიები:
- ნავთობკომპანია ,,OMV PETROM S.A“ (შავი ზღვის II სალიცენზიო ბლოკი);
- შპს „ნინოწმინდის ნავთობკომპანია“ (სალიცენზიო ბლოკები XIE);
- შპს „მარტყოფის ნავთობკომპანია“ (სალიცენზიო ბლოკი XIC);
- შპს „ფრონტერა ისტერნ ჯორჯია“ (სალიცენზიო ბლოკი XII);
- შპს „WGPEC“ (სალიცენზიო ბლოკი V); შპს „GCE Ltd“ (სალიცენზიო ბლოკები VIA, VIB);
- შპს „ჯორჯია ოილ ენდ გეზი“ (სალიცენზიო ბლოკები VIII, XIG, XIM, XIN, XIC მარტყოფი, XIC ჩრდილოეთ საცხენისი, XIV, IXA, XIK, XIL, XIA; XIH; XIQ);
- შპს (,,ნაუტიკ ა.ვე.ტე. ენერჯი პი.ტი.ეი. ლიმითედი“ (სალიცენზიო ბლოკი VIIB);
- სს „საქართველოს ნავთობისა და გაზის კორპორაცია“ (სალიცენზიო ბლოკი XIB სამგორის სამხრეთ თაღი; XIM, XIN ; XIQ; XIK);
- Block Energy (სალიცენზიო ბლოკი XIF, XIC ნორიო-საცხენისი, XIC საცხენისი, XIB,IX).
სააგენტოს ინფორმაციით, 2015-2021 წლებში კომპანიების მიერ განხორციელდა 219 მნლ. აშშ დოლარის ინვესტიცია.
წყარო: bfm.ge
ნავთობისა და გაზის ძებნა-ძიება
