საქართველოს გარემოს დაცვისა და ბუნებრივი რესურსების ყოფილი მინისტრი გოგა ხაჩიძე სამტრედია-გრიგოლეთის საავტომობილო გზის მონაკვეთზე ხიდის ჩანგრევას ეხმაურება.
„ეს გზა, 2016 წელს უნდა დასრულებულიყო და 237 მილიონი ჯდებოდა.
დღეს - ჩანგრეულია, კაცმა არ იცის როდის დამთავრდება და ბიუჯეტი თითქმის მილიარდია!
ამ ერთ აბზაცში მიხვდებით რა დაგვემართა;
მიხვდებით, რა წურბელები და ღორები გვყავს ხელისუფლებაში.
„2013 წლის ბიუჯეტის პროექტის მიხედვით, სამტრედია-გრიგოლეთის საავტომობილო გზის მშენებლობისთვის 237 მლნ ლარი იყო გამოყოფილი და პროექტი სამ წელიწადში უნდა დასრულებულიყო. 2017 წლის ბიუჯეტის მიხედვით კი აღნიშნული გზის მონაკვეთის ბიუჯეტი უკვე 633 მლნ ლარით განისაზღვრა და გზის მშენებლობის დასრულების ვადამ კიდევ სამი წლით გადაიწია. 2020 წლის ბიუჯეტით, სამტრედია-გრიგოლეთის საავტომობილო გზის მშენებლობისთვის ჯამში 812 მლნ ლარი იყო გამოყოფილი და პროექტი 2022 წლის ბოლოს უნდა დასრულებულიყო. 2023 წლის ბიუჯეტის მიხედვით, დასახელებული გზის მონაკვეთის მშენებლობისთვის სულ 902 640 700 ლარია გათვალისწინებული და დასრულების სავარაუდო თარიღმა კიდევ ერთი წლით გადაიწია.““- წერს გოგა ხაჩიძე.
ხაჩიძე
