გეოლოგი არჩილ მაღალაშვილი 13 მარტს ავტობანზე, კერძოდ - აღმოსავლეთ-დასავლეთის მაგისტრალური გზის უბისა-შორაპნის მონაკვეთზე ფერდის ჩამოშალას სოციალურ ქსელში ეხმაურება. ის წერს, რომ ჯერ კიდევ 2019 წელს, ჩინური კომპანიის მიერ დაკვეთილ ანგარიშში დაწერა, რომ შესაბამისი ზომები თუ არ იქნებოდა მიღებული, მოსალოდნელი იყო ქანების დიდი მასის დაცურება,

„ძალიან ცუდი და საწყენია რაც მოხდა. მით უმეტეს საწყენია, რომ მგონი ეს ზუსტად ის ადგილია, რომლის შესახებ 2019 წელს ჩინური კომპანიის მიერ დაკვეთილ ანგარიშში პირდაპირ დავწერე, რა არის მოსალოდნელი შესაბამისი ზომები თუ არ იქნებოდა მიღებული. მომყავს ამ ანგარიშის ერთ-ერთი დანართი, სადაც წითელი ხაზი აღნიშნავს სიბრტყეს, რომლის გასწვრივ მოსალოდნელია ქანების დიდი მასის დაცურება, ხოლო ყვითლად ნაჩვენებია ის ანკერები, რომლებიც იჭერენ ამ მასას. აშკარად ჩანს რომ მათი რაოდენობა ძალიან მცირეა“,- წერს არჩილ მაღალაშვილი.

მისი თქმით, გასარკვევია, რატომ არ იყო ან უხარისხოდ რატომ იყო გატარებული ის ღონისძიებები, რომელთა შესახებ 2019 წლის ანგარიშშია ნათქვამი.