გამოწვევებით სავსე 2020 წელი შეაჯამა და 2021 წლის გეგმებზე ისაუბრა „კომერსანტთან“ Nina Zarqua Collection-ის დამფუძნებელმა ნინა ზარქუამ.

„2020 წელი სტაბილურად მიდიოდა და ასეც დასრულდა. ჩვენ ძალიან კარგი სტარტაპი გვქონდა და არ იყო ისეთი კრიზისული სიტუაცია, როგორიც შეიძლებოდა კოვიდ პანდემიას გამოეწვია. თუმცა, ეს არ ნიშნავს იმას, რომ იდეალური წელი იყო და გამოწვევების გარეშე ჩაიარა. ჩვენი კომპანიის შემთხვევაშიც იყო ძალიან ბევრი ცუდი ფაქტორი, მათ შორის ის, რომ თავის დროზე ვერ ვაგზავნიდით და ვერ ვასრულებდით შეკვეთებს სხვადასხვა მიზეზების გამო. თუმცა მიუხედავად ყველაფრისა ვთვლი, რომ დადებითი რაც მთავარია სტაბილური და გადაგორების წელი იყო. 

სიახლე გვაქვს ის, რომ საიტი გავაკეთეთ და ეს კიდევ უფრო დაგვეხმარა ონლაინ გაყიდვების გაზრდაში. ძირითადად ონლაინ ვმუშაობდით და სოციალური ქსელების დახმარებით ვყიდდით შეკვეთებს, თუმცა ვებ-გვერდი დაგვეხმარა იმაში, რომ მსოფლიოს ნებისმიერ წერტილში მომხმარებლებს შესაძლებლობა აქვთ შეიძინონ ზარქუას კოლექცია. გვქონდა განსაკუთრებული ფასდაკლებებიც და ვფიქრობ, ამ ყველაფერმა იმოქმედა და ქართველმა მომხმარებელმაც აქტურად დაიწყო ჩვენი კოლექციის შეძენა.

ვიმედოვნებ, რომ 2021 წელი 2020 წელზე უკეთესი წელი იქნება და კორონავირუსი აღარ დაიკავებს ისეთ დიდ ადგილს ჩვენ ცხოვრებაში, როგორიც გასულ წელს ეჭირა“, — აღნიშნა ნინა ზარქუამ.