შპს ,,სოკარ ჯორჯია პეტროლიუმს“ 2021 წელს 2020 წელთან შედარებით შემოსავალი 61.8%-ით 972.3 მლნ ლარამდე გაეზარდა, ხოლო მის კონკურენტ ,,შპს ლუკოილ ჯორჯიას’’ 98%-ით 473 მლნ ლარამდე. ამის შესახებ კომპანიების ფინანსურ ანგარიშებშია აღნიშნული.
,,სოკარ ჯორჯია პეტროლიუმი“
,,სოკარ ჯორჯია პეტროლიუმს“ 2021 წელს წინა წელთან შედარებით თითქმის 2-ჯერ გაზარდა რეალიზებული პროდუქციის თვითღირებულების ხარჯი და 831.6 ათას ლარს გაუტოლდა.
ანგარიშგების თანახმად, კომპანიამ 18.3%-ით 344.7 მლნ ლარამდე გაზარდა აქტივები, ხოლო 764.4 მლნ ლარამდე შეუმცირდა აკუმულირებული ზარალი.
კომპანიამ 1500-ზე მეტ თანამშრომელს 2021 წელს 3.820 მლნ ლარამდე ხელფასი გადაუხადა.
„სოკარ ჯორჯია პეტროლიუმი“ დარეგისტრირდა 2006 წელს. საქართველოს მასშტაბით ოპერირებს 110 ავტოგასამართი სადგურით და 13 კლიენტთა მომსახურების ცენტრით.
კომპანიის 100%-წილის მფლობელია შპს ,,სოკარ ენერჯი ჯორჯია’’, რომლის აქციების წილის მფლობელები არიან:
Intersun Holding FZCO – 8.165%.
EVENTUS GENERAL TRADING FZE – 16.33%.
აზერბაიჯანის რესპუბლიკის სახელმწიფო ნავთობის კომპანია - 75.5%.
„ლუკოილ ჯორჯია’’
,,ლუკოილ ჯორჯია’’ 2021 წელს 105.7%-ით გაზარდა რეალიზებული საქონლის თვითღირებულება და 448.4 მლნ ლარი შეადგინა.
გასულ წელს კომპანიის აქტივებმა 78.2 მლნ ლარი , ხოლო კაპიტალმა 9.7 მლნ ლარი შეადგინა. თანამშრომელთა ხელფასებში კი 2021 წელს 7 მლნ ლარი დახარჯა.
ლუკოილ ჯორჯიას 2021 წელს გაწეულმა ფინანსურმა ხარჯებმა ჯამში 468.6მლ ლარი, ხოლო საოპერაციო საქმიანობიდან მიღებულმა მოგებამ 5.4 მლნ ლარი შეადგინა.
ლუკოილი საქართველოში ოპერირებს 2000 წლიდან. კომპანიას ქვეყანაში 60-ზე მეტი გასამართი სადგური აქვს.
სოკარი
