2021 წლის TOP10 საინტერესო ამბავი:
1. 9 VS 9 - რა გაკეთდა 2004-2012 და რა 2013-2021 წლებში
ქართული ოცნების ხელისუფლებაში მოსვლიდან 9 წელი შესრულდა, ზუსტად იმდენი, რამდენ ხანსაც ნაციონალური მოძრაობის მმართველობა გაგრძელდა. როგორც ერთ, ასევე მეორე გუნდში უკეთეს ეკონომიკურ განვითარებას, ინფრასტრუქტურული პროექტების სიმრავლესა და სამართლებრივი სახელმწიფოს შექმნას იჩემებენ.
2. უმდიდრესი ქართველის გზა ბნელი 90-იანებიდან ფინტექის მწვერვალებამდე
საქართველოში პოპულარობის მოპოვება არც ისე რთულია, რთულია აკეთო საქმე, რომელიც გიყვარს და სხვა არაფერი გაინტერესებდეს. არსებობს ადამიანი რომელმაც ეს ქვეყნის საზღვრებს გარეთ შეძლო.
3. ოკუპირებულ აფხაზეთში ელექტროენერგიის მოხმარება შვეიცარიისა და ლუქსემბურგის მაჩვენებლებს აჭარბებს
გლობალურად ელექტროენერგიის მოხმარება ყოველწლიურად იზრდება. განვითარებად ქვეყნებში, მათ შორის საქართველოში, ზრდის ტემპი მსოფლიო საშუალოს აღემატება. მდგომარეობა განსაკუთრებით რთული ოკუპირებულ აფხაზეთშია, სადაც საფასურის გადაუხდელობის გამო გამოწვეულ ისედაც უკონტროლო ხარჯვას, ბოლო წლებში კრიპტომაინინგიც დაემატა.
4. „კომერსანტის“ ექსკლუზივი: საქართველოს სადაზღვევო ჯგუფი „ჯეო ჰოსპიტალსს“ არაკეთილსინდისიერ კონკურენციაში ადანაშაულებს
საქართველოს სადაზღვევო ჯგუფი (IGG) ერთ-ერთი მსხვილი ჰოსპიტალური ქსელის წინააღმდეგ საჩივარს ამზადებს. როგორც „კომერსანტისთვის“ გახდა ცნობილი, საუბარია კონკრეტული ფაქტის შესახებ „ჯეო ჰოსპიტალსის“ წინააღმდეგ, რომელიც შესაძლოა მოდიოდეს წინააღმდეგობაში კონკურენციის შესახებ კანონთან, რაც გულისხმობს კონკრეტულ რეგიონში დომინანტური მდგომარეობის ბოროტად გამოყენებას, შეთანხმებულ ქმედებას ან არაკეთილსინდისიერი კონკურენციის ფაქტს.
5. „კომერსანტმა“ სს „საქართველოს ჯანდაცვის ჯგუფს“ სასამართლო დავა მოუგო
სს „საქართველოს ჯანდაცვის ჯგუფმა“ მედიაჰოლდინგ „კომერსანტთან“ სასამართლო დავა წააგო. მოსამართლემ კლინიკების ქსელის იურისტის არცერთი მოთხოვნა არ დააკმაყოფილა, რაც მოულოდნელი არ ყოფილა „კომერსანტის“ იურისტის ამირან გიგუაშვილისთვის, რომელიც აცხადებს, რომ კლინიკის მენეჯმენტის სარჩელი აბსოლუტურად უსაფუძვლო იყო.
6. ტრადიცია ახალი ხედვით - ზღვაში დაძველებული ქართული ღვინო
განსხვავებული გემოები და არომატები, გეოგრაფიული არეალები და მიკროზონები - უკვე 8 000 წელია, რაც საქართველოში მევენახეობა-მეღვინეობის ისტორია იწერება. თუმცა, ახალი ფურცელი უკვე გადაიშალა, ქვევრი ამფორამ შეცვალა, მიწა კი ზღვამ.
7. IG Development-მა „ზაკვოს“ შენობის დემონტაჟი დაიწყო
IG Development-მა ამიერკავკასიაში საბჭოთა ჯარების ყოფილ შტაბბინის დემონტაჟი დაიწყო. რითეილ ბაზრის ლიდერმა კომპანიამ ნაგებობების დემონტაჟის ნებართვა 12 ოქტომბერს მიიღო. ადგილზე მძიმე ტექნიკა უკვე მუშაობას.
8. ბერიას აგარაკის სამომავლო ფუნქციას „იბეროტელი“ არქიტექტურული მდგრადობის შესწავლის შემდეგ განსაზღვრავს
კოჯორში ლავრენტი ბერიას ცნობილი აგარაკის ბედი გასხვისებიდან 4 თვის შემდეგაც გაურკვეველია. კომპანიაში, რომელმაც ეს ობიექტი აუქციონზე შეიძინა, ამ დრომდე არ იციან როგორ განავითარებენ რეზიდენციას, რომელიც 120 წლის წინ აშენდა.
9. ,,ხომლის უსახელოური“ ლონდონში Hedonism Wines-ის დახლებზე 900 გირვანქა სტერლინგად იყიდება
საქართველოში ყველაზე ძვირადღირებული ქართული ღვინო „ხომლის უსახელოური“ შუაგულ ლონდონში, მაღაზია Hedonism Wines-ის რჩეული ღვინოების სიაშია. როგორც უნიკალური ღვინის მწარმოებელი თამაზ ომანაძე ,,კომერსანტთან“ განმარტავს, „უსახელოური“ ინგლისურ მაღაზიაში წარმოდგენილ ახალ ღვინოებს შორის ყველაზე ძვირია.
10. თურქეთის შემდეგ აზერბაიჯანი - სომხეთი ისტორიულ მტრებთან ურთიერთობების აღდგენას ცდილობს
ევროპული საბჭოს პრეზიდენტ შარლ მიშელის შუამავლობით 14 დეკემბერს, ბრიუსელში, აღმოსავლეთ პარტნიორობის სამიტზე, ალიევისა და ფაშინიანის მორიგი სამმხრივი შეხვედრა გაიმართა, რომელიც 4 საათზე მეტ ხანს გაგრძელდა.