“2022 წელს ჩვენი გაყიდვები საგრძნობლად გაზარდა და შეიძლება ითქვას, რომ ბოლო რამდენიმე წლის ჯამურ გაყიდვებს გადააჭარბა“ - ამის შესახებ რადიო „კომერსანტის“ საახალწლო ეთერში მზის პანელების კომპანიის EcoVille Georgia - ს აღმასრულებელმა დირექტორმა გიორგი უსანეთაშვილმა ისაუბრა. მისი თქმით გაყიდვების ზრდის მიზეზია ნეტო აღრიცხვის დაწესება.
„ნეტო აღრიცხვის დაწესებამ მოგვცა იმისა საშუალება, რომ ყველას დავუყენოთ მზის პანელები, ყველას შეუძლია აიღოს რევერსული მრიცხველი და აღარ გადაიხადოს ელექტრო ენერგია.
2022 წელს ჩვენ ვიმუშავეთ როგორც კომერციული, ასევე ფიზიკურ პირებთან, აღსანიშნავია პროექტი, რომელმაც ბიძგი მოგვცა იყო მაღალმთიან აჭარის პროექტი სადაც 77 ობიექტზე 41 სოფელში , რთულ ლოგისტიკით და რთულ ლანდშაფტზე ერთ თვეში დავამონტაჟეთ მზის პანელები“, - აღნიშნა გიორგი უსანეთაშვილმა.
Ecoville Georgia - ს მზის პანელების დაყენებით იზოგება ფინანსები და მომხმარებელს ელექტრო ენერგიის ტარიფი აღარ აინტერესებს.
„32 თეთრიანი ტარიფით თუ კომპანია იხდის თვეში 5000 ლარს ელექტრო ენერგიის გადასახადს, სისტემის დაყენების შემდეგ ის ან საერთოდ აღარ იხდის გადასახადს, ან იხდის 10%. რამდენ კილოვატ საათსაც ვიღებ ქსელიდან, იმდენ კილოვატ საათს ვაბრუნებ ქსელში.
31 თეთრამდე გაიზარდა კომერციული ტარიფი, შემდეგი ხუთი წლის განმავლობაში შესაძლოა ეს კიდევ გაიზარდოს, ხოლო ელექტროსადგურის ქონის შემთხვევაში ტარიფი საინტერესო აღარ არის“, - აღნიშნა გიორგი უსანეთაშვილმა.
უსანეთაშვილის თქმით, მზის პანელების დაყენება შესაძლებელია, როგორც სახურავზე, ასევე მიწაზე რომელიც გამოუყენებელია.
რაც შეეხება 2023 წელს, გიორგი უსანეთაშვილი ამბობს, რომ 2023 წელს ვარდების მოედანზე დამონტაჟდება დიდი ელექტრო სადგური.
Ecoville Georgia 7 წელია საქართველოს ბაზარზე ოპერირებს.
თაკო კვაჭანტირაძე
Ecowille Georgia
