2022 წელი ყველაზე ხელმისაწვდომობით იყო გამორჩეული და ფასების მატება ფაქტობრივად არ ყოფილა, - განაცხადა რადიო „კომერსანტის“ ეთერში psp-ს საზოგადოებასთან ურთიერთობის მენეჯერმა ნათია ხაბეიშვილმა. მისი განმარტებით, 2022 წელს ბევრი მნიშვნელოვანი ცვლილება განხორციელდა, მათ შორის არის თურქული მედიკამენტების ბაზარი გაიხსნა.
„მედიკამენტების ფასებთან მიმართებაში 2022 წელი სტაბილურობით გამოირჩეოდა, რადგანაც თითქმის არანაირი ცვლილება მედიკამენტების ფასებზე არ მომხდარა. პირიქით ჩვენ ვეცადეთ, რომ უფრო ხელმისაწვდომი გაგვეხადა ყველა მედიკამენტი. ამას ხელი შეუწყო დადგენილებაში შეტანილმა ცვლილებამაც, რომლითაც პარალელური იმპორტის საშუალებით შესაძლებელი გახდა უფრო მეტი მედიკამენტის შემოტანა და ასევე დაჩქარებული წესით მოხდა თურქეთში წარმოებულ ევროპული მედიკამენტების რეგისტრაცია საქართველოში. ამან ხელი შეუწყო იმას, რომ რასაც ჩვენ 2017 წლიდან „ფორმა 100“-ის საშუალებით ვახდენდით მომხმარებლის უშუალო საჭიროებისთვის ინდივიდუალურად შეკვეთებით შემოტანას თურქეთიდან. ახლა უკვე 2022 წელს ეს მედიკამენტები კიდევ უფრო იაფად, უფრო დაბალ ფასად ვიდრე ევროპული მწარმოებლების მიერ შემოტანილი მედიკამენტებია უკვე ხელმისაწვდომია მომხმარებლისთვის საქართველოში. დღესდღეობით ქსელში გაქვს 247 დასახელების თურქეთში ნაწარმოები მედიკამენტი. ასევე მუდმივ რეჟიმში მიმდინარეობს ახალი მედიკამენტების რეგისტრაციის პროცესი. ამან კი ხელი შეუწყო იმას, რომ უცხოელ მომწოდებლებთან და მათ შორის თურქ მწარმოებლებთან ეს რეგულაცია დაგვეხმარა იმაში, რომ მედიკამენტების ფასების გაიაფება მიგვეღწია“, - აცხადებს ნათია ხაბეიშვილი.
psp-ს საზოგადოებასთან ურთიერთობის მენეჯერის განმარტებით, psp-ს დილერი კომპანია გახდა საკმაოდ დიდი შრომის შედეგად და ეს ლიდერობა წარმოჩინდა უკვე 2005 წელს, რაზეც უკვე ციფრები მეტყველებდნენ.
ნათია ხაბეიშვილის თქმით, ამაში კომპანიის მიღწევებს ფასი არ ექნებოდა, რომ არა მომხმარებლების ერთგულება, რომლებიც მუდმივას სარგებლობენ psp-ს შეთავაზებებით.
„ჩვენ ვართ მომხმარებლებზე ორიენტირებული კომპანია“, - აცხადებს ხაბეიშვილი.