CRRC-საქართველოს ომნიბუსის გამოკითხვის სამი ტალღის შედეგები აჩვენებს, რომ საქართველოში მინიმალური ხელფასის იდეას მაღალი მხარდაჭერა აქვს, მიუხედავად იმისა, რომ 2022 წელს, 2021 წელს ჩატარებულ გამოკითხვასთან შედარებით, მხარდაჭერის მაჩვენებელმა დაიკლო.

კავკასიის კვლევითი რესურსების ცენტრის (CRRC) მიერ ფრიდრიხ ებერტის ფონდის მხარდაჭერით შესრულებულ კვლევაში წერია, რომ საქართველოს მოსახლეობისთვის 2022 წელს მინიმალური ხელფასის გონივრული ოდენობა 1346 ლარია, რაც დადგენილ საარსებო მინიმუმს 5.5-ჯერ, ხოლო  მინიმალურ ხელფასს 67-ჯერ აღემატება მინიმალური ხელფასის საშუალო მაჩვენებელი წელს 1.6 -ჯერ მაღალია ვიდრე 2020-ში.

მიუხედავად იმისა, რომ 2021 წელთან შედარებით მაჩვენებელმა 10%-ით დაიკლო, საქართველოში მინიმალური ხელფასის არსებობას  მოსახლეობის უმეტესობა (69%) სრულად ან  ნაწილობრივ მაინც უჭერს მხარს.

ორი წლის განმავლობაში მოსახლეობისთვის ღირსეული ანაზღაურების საშუალო მაჩვენებელი 1343  ლარიდან - 2124 ლარამდე გაიზარდა.

2022 წელს დასაქმებულები, ღირსეულ ანაზღაურებისთვის სათანადო ხელფასად 2 424 ლარს მიიჩნევენ, რაც  დაუსაქმებელთა სასურველ ყოველთვიურ ხელფასს 787 ლარით, ხოლო 2 წლის წინანდელ იგივე ნიშნულს -967  ლარით აღემატება.

მინიმალური ხელფასის ამჟამინდელი რაოდენობა 1999 წელსაა დადგენილი და 20 ლარს შეადგენს.  2005 წელს, საჯარო მოხელეებისთვის მინიმალური ხელფასის ოდენობა 135 ლარამდე გაიზარდა . ორივე შემთხვევაში, თანხის მოცულობა 2020 წლის მარტის თვის საარსებო მინიმუმზე (206 ლარი) ნაკლებია (2021 წლის ივნისისთვის ეს მაჩვენებელი 215 ლარს, ხოლო 2022 წლის აპრილისთვის 241 ლარს შეადგენდა)  2023 წლის 1-ელი იანვრიდან, სამედიცინო სფეროს მუშაკებისთვის წესდება მინიმალური ანაზღაურება: ექიმისთვის - 7, ხოლო ექთნისთვის 4.4 ლარი საათში