2022 წელს მთავრობამ 14 976 686 100 ლარის გადასახადი აკრიფა, რაც დაგეგმილ მაჩვენებელს მცირედით აჭარბებს. სახელმწიფო ბიუჯეტის შესრულების წლიური ანგარიში ფინანსთა სამინისტრომ გამოაქვეყნა, რომლის მიხედვითაც გასულ წელს მთავრობამ 100.1%-ით შეასრულა გადასახადის აკრეფის გეგმა.

უფრო დეტალურად, გადასახადებიდან მიღებული შემოსავლები ასე ნაწილდება:

• დამატებული ღირებულების გადასახადი - 6 მლრდ ლარი;

• საშემოსავლო გადასახადი - 4.7 მლრდ ლარი;

• აქციზი - 2 მლრდ ლარი;

• მოგების გადასახადი - 1,9 მლრდ ლარი;

• იმპორტის გადასახადი - 125,6 მლნ ლარი;

• სხვა გადასახადები - 250 მლნ ლარი.

რაც შეეხება მიმდინარე წელს, მთავრობა 2023 წელს 16.3 მილიარდი ლარის გადასახადების აკრეფას გეგმავს.