2022 წელს პრივატიზაციის შესრულება მხოლოდ 67.6% იყო, — ინფორმაცია ფინანსთა სამინისტრომ 2022 წლის ბიუჯეტის შესრულების ანგარიშში გამოაქვეყნა.

გასულ წელს სახელმწიფო ბიუჯეტის შემოსავალი პრივატიზაციიდან 202.8 მილიონი ლარი იყო, რაც 92.2 მილიონი ლარით ნაკლებია 2022 წლის ბიუჯეტით დამტკიცებულ პრივატიზაციის 300 მლნ. ლარის გეგმაზე.

2022 წლის განმავლობაში ქონების ეროვნული სააგენტოს მიერ გამოცხადებული ყველაზე მსხვილი აუქციონი ყოფილი „მიხაილოვის საავადმყოფოს“ გაყიდვა იყო. 4 წარუმატებელი აუქციონის შემდეგ „მიხაილოვის საავადმყოფო“ ქართული წარმოშობის რუსმა ბიზნესმენმა შალვა ბრეუსმა 16 მლნ ლარად იყიდა, სადაც თანამედროვე ხელოვნების მუზეუმის აშენება იგეგმება.

გასული წლის მსხვილ საპრივატიზაციო ობიექტებს შორის იყო ასევე რიყის დოქები, რომელიც 10 მლნ ლარად ბიზნესმენმა დავით ხიდაშელმა იყიდა. თუმცა დეკემბერში გავრცელებული ინფორმაციის მიხედვით, ბიზნესმენის კომპანიამ გაავრცელა განცხადება, რომელშიც ნათქვამია, რომ ხიდაშელი მზადაა ობიექტის 50% გაყიდოს.

2023 წლის ბიუჯეტის თანახმად კი წელს მთავრობა სახელმწიფო ქონების გაყიდვიდან ბიუჯეტში 200 მილიონი ლარის შემოსავალს ელის.