2022 წელს, პირველად, ევროკავშირმა მეტი ენერგია მიიღო განახლებადი ენერგიის წყაროებიდან, ვიდრე გაზით. მონაცემები 31 იანვარს, Ember-ის ანალიტიკოსებმა თავიანთ ანგარიშში გამოაქვეყნეს. შეგახსენებთ, რომ Ember-ი ევროკავშირის კლიმატის პოლიტიკის იკვლევს.

ევროკავშირის 27 ქვეყნიდან ყველაზე მეტი ქარის და მზის ენერგია გერმანიამ გამოიმუშავა, ამის შესახებ Deutsche Welle-წერს.

მზისა და ქარის ენერგიამ ევროკავშირში გასულ წელს ელექტროენერგიის წარმოების დაახლოებით 22% შეადგინა. ამავდროულად, გაზის წილი 20%-ია, რაც ერთი პროცენტული პუნქტით ნაკლებია 2021 წელთან შედარებით.

ევროკავშირის ქვეყნებმა 2022 წელს 203 ტერავატსათი (TWh) მზის ენერგია აწარმოეს, რაც 39 TWh-ით ან 24%-ით მეტია წინა წელთან შედარებით. ამან დაახლოებით 10 მლრდ ევროს ოდენობის გაზის შესყიდვის დაზოგვის საშუალება მისცა ევროკავშირს, წერენ Ember-ის ანალიტიკოსები. ქარის ენერგიით ევროკავშირს 420 ტვტ/სთ ელექტროენერგია მიეწოდა, რაც 33 ტვტ/სთ-ით მეტია 2021 წელთან შედარებით.

2022 წელს ევროკავშირში გერმანიამ ყველაზე მეტი ენერგია მიიღო განახლებადი წყაროებიდან - 126 ტვტ/სთ ქარიდან და 59 ტვტ/სთ მზისგან. თუმცა, ევროკავშირის ზოგიერთი ქვეყნის მთლიან ენერგეტიკულ ბალანსში „მწვანე“ ენერგიის წილი უფრო მაღალია. კერძოდ, მზის ენერგია უზრუნველყოფს მთლიანი ელექტროენერგიის წარმოების 14%-ს ნიდერლანდებში და 13%-ს საბერძნეთსა და უნგრეთში. გერმანიაში ეს მაჩვენებელი მხოლოდ 10%-ია.

რაც შეეხება ქარის ენერგიას, ის უზრუნველყოფს დანიის პროდუქციის 50 პროცენტზე მეტს, თითქმის 40 პროცენტს - ლიტვას და დაახლოებით 35 პროცენტს - ირლანდიას. გერმანიაში ქარის ენერგიის წილი დაახლოებით 20 პროცენტია.

ამავდროულად, 2022 წელს გერმანიამ უდიდესი პროგრესი მიაღწია მზის ენერგიის განვითარებაში, ესპანეთთან და პოლონეთთან ერთად, და ქარის ენერგეტიკაში, პოლონეთთან და შვედეთთან ერთად, ნათქვამია Ember-ის ანგარიშში.