მსოფლიო ბანკმა ევროპისა და ცენტრალური აზიის რეგიონის მიმოხილვა გამოაქვეყნა, სადაც უკრაინაში რუსეთის შეჭრისა და პანდემიის შედეგების ზემოქმედების პირობებში რეგიონის და მასში შემავალი ქვეყნების, მათ შორის საქართველოს ეკონომიკური ზრდის პროგნოზები წარმოდგენილი.
ანგარიშის თანახმად, 2022 წლის საქართველოს მშპ - ის რეალური ზრდის პროგნოზი მოსალოდნელი 5,5% -ის ნაცვლად 8,8%- მდე გაიზარდა, რაც ევროპისა და ზრდის აზიის რეგიონში ყველაზე მაღალი მაჩვენებელია. მსოფლიო ბანკის შეფასებით, სამხრეთ კავკასიაში 2022 წელს წარმოებული პროდუქციის მოცულობა 5,6 პროცენტით გაიზრდება, რაც ბანკის ცნობით ევროპის და ცენტრალური აზიის ქვე რეგიონებს შორის უსწრაფესია.
„პირველი რვა თვის განმავლობაში ორნიშნა ეკონომიკური ზრდის გათვალისწინებით, 2022 წელს საქართველოს მთლიანი შიდა პროდუქტის რეალური ზრდის პროგნოზი მოსალოდნელი 5.5%-ის ნაცვლად, 8.8 %-მდე გაიზარდა, რაც ყველაზე მაღალი მაჩვენებელია ევროპისა და ცენტრალური აზიის რეგიონში. აღნიშნულს შიდა მოთხოვნის აღდგენამ და ფულადი გზავნილების წმინდა მაჩვენებლის ზრდამ შეუწყო ხელი. 2023 წელს საქართველოში ეკონომიკური ზრდა სავარაუდოდ 4.2%-მდე შენელდება, რაც 2022 წელს მძლავრი აღდგენის სტიმულის შესუსტებას, ევროკავშირში ეკონომიკური ზრდის შემცირებას და 2023 წელს რუსეთში წარმოებული პროდუქციის მოცულობის მოსალოდნელზე მკვეთრ ვარდნას ასახავს“, - აცხადებენ მსოფლიო ბანკში.
ბანკის ინფორმაციით 2023 წელს ასევე მოსალოდნელია ფასების ზრდის ტენდენციის კლება, რადგან მოთხოვნა შემცირდება და გრძელვადიანი ფიქსირებული ფასის კონტრაქტები სავარაუდოდ, საქართველოში ენერგომატარებლების ფასით გამოწვეული შოკების შერბილებას შეუწყობს ხელს. სამხრეთ კავკასიაში მსოფლიო ბანკის რეგიონული დირექტორი, სებასტიან მოლინეუსი აცხადებს, რომ ევროპისა და ცენტრალური აზიის რეგიონისთვის პროგნოზები გამოწვევებითაა აღსავსე, მისივე თქმით 2022 წელს მოსალოდნელია რეგიონში წარმოებული პროდუქციის მოცულობის 0,2 ით შემცირდება, რისი მიზეზიც რუსეთის უკრაინაში შეჭრაა.
„ზოგადად, რეგიონში ეკონომიკური ზრდის მაჩვენებელი დაბალ – დაახლოებით 0.3%-ის დონეზე შენარჩუნდება, მიმდინარე ინფლაციის მაღალი დონის, გლობალური საფინანსო ბაზრების გამკაცრების და რეგიონში არსებული გამოწვევებით სავსე ფისკალური მდგომარეობის პირობებში. ამ ფონზე ვხედავთ, რომ სამხრეთ კავკასიის ქვერეგიონში აღინიშნება საკმაოდ ძლიერი ეკონომიკური ზრდა და 2022 წელს პროდუქციის მოცულობა 5.6%-ით გაიზრდება, რაც საუკეთესო მაჩვენებელია ევროპის და ცენტრალური აზიის რეგიონის მასშტაბით“, – აცხადებს მოლინეუსი.
თაკო კვაჭანტირაძე