ხელოვნება, დიზაინი და არქიტექტურა დიდი ხანია იტალიის სავიზიტო ბარათებია მსოფლიოში. როგორც მოდის სფეროს ერთ-ერთი წამყვანი ქვეყანა მსოფლიოში, მას აქვს მნიშვნელოვანი ფიგურების, შესანიშნავი დიზაინისა და შოუების მდიდარი ისტორია.

ეს ყველაფერი მეორე მსოფლიო ომის შემდეგ, “მარშალის გეგმის“ ფარგლებში აშშ-ს დახმარებით დაიწყო, როდესაც იტალიამ მოდის სახლების ინდუსტრია განავითარა. საოჯახო ტექსტილის ბიზნესი წახალისდა და იტალიელმა დიზაინერებმა ბრენდების წარმოება დაიწყეს, რომლებიც გამოხატავდნენ ბრწყინვალებას მათ შემოქმედებით შესაძლებლობებში.

ბევრი იტალიელი დიზაინერი, მისი გამორჩეული ნიჭის წყალობით მსოფლიოს ყურადღების ცენტრში მოექცა. ამიტომ გასაკვირი არ არის, რომ ისინი ხშირად ჩნდებიან თქვენი საყვარელი მოდის ჟურნალებისა და რედაქციების გარეკანებზე. უფრო მეტიც, მათ ასევე მოიპოვეს მილიარდობით დოლარი.

წარმოგიდგენთ რვა უმდიდრეს იტალიელ მოდის დიზაინერს:

Giorgio Armani- 6,5 მილიარდი დოლარი

Giorgio Armani არის გლობალური ბრენდი მამაკაცის მაღალი კლასის ტანსაცმლის სფეროში, რომელმაც ბრენდში მკაცრი ესთეტიკა დაამკვიდრა.

არმანიმ თავის დროზე მიატოვა სამედიცინო სკოლა, რათა სამხედრო სფეროში ემსახურა. შემდეგ კი La Rinascente უნივერმაღში დეკორატორად მუშაობდა. მოგვიანებით, მუშაობდა დიზაინერად ნინო სერუტისთვის, სანამ 1970-იანი წლების შუა პერიოდში ბიზნეს პარტნიორის - სერჯო გალეოტის დახმარებით, საკუთარ ლეიბლს დააარსებდა.

მას შემდეგ, რაც მას სთხოვეს შეექმნა კოსტუმის დიზაინი, რომელიც მსახიობ რიჩარდ გირს ეცვა, არმანის წარმატებამ პიკს მიაღწია. დიდი ხანი არ გასულა, რაც მისი კომერციული საქმიანობა გასცდა კოსტიუმებს და მოიცა თითქმის ყველა სფერო - სპორტული ტანსაცმლიდან ინტერიერის დიზაინამდე და უძრავ ქონებამდე.

Miuccia Prada - 4,7 მილიარდი დოლარი

რას ჩაიცვამდა ეშმაკი, პრადა რომ არ ყოფილიყო?

1913 წელს მარიო პრადას მიერ დაარსებული ბრენდი Prada უდავოდ არის ერთ-ერთი ყველაზე ცნობადი სახელი მოდის ინდუსტრიაში. Miuccia Prada, ბრენდის წამყვანი დიზაინერი და თანა-აღმასრულებელი დირექტორი ნამდვილი ტორნადო იყო საქმიანობაში.

მან საოჯახო ბიზნესი 1977 წელს თავის ძმასთან, ალბერტოსთან და მარინა პრადასთან ერთად დაიწყო. თავდაპირველად ისინი წყალგაუმტარ ზურგჩანთებს ამზადებდნენ. შემდეგ კი, როდესაც დაქორწინდა, მის ქმართან პატრიციო ბერტელთან ერთად ახალი ხაზის გამოშვება დაიწყო. პატრიციო იმ დროს მართავდა ძვირად ღირებულ ტყავის კომპანიას. მისი სადებიუტო პროდუქტი, შავი ნეილონის ჩანთა ვერცხლის სამკუთხა ეტიკეტით იყო მათი პირველი მთავარი კომერციული ჰიტი.

როგორც კომპანია იზრდებოდა, მათ დაიწყეს სხვა ბიზნესების შეძენა.

Patrizio Bertelli - 4,7 მილიარდი დოლარი

Patrizio Bertelli -ის (პატრიციო ბერტელი) სიმდიდრემდე კარიერის დასაწყისში იყო მოკრძალებული ქარხანა ქალაქ არეცოში, რომელიც ისეთ ტყავის აქსესუარებს აწარმოებდა, როგორიცაა ქამრები, ჩანთები და სხვა. 1977 წელს მიუჩიასთან შეხვედრის შემდეგ, ის შეუერთდა პრადას საოჯახო ბიზნესს და თანამშრომლობამ შეცვალა ისტორიის კურსი.

Miuccia-ს და Bertelli-ის ბიზნესში ღრმა კრეატიულობამ მნიშვნელოვანი როლი ითამაშა Prada-ს ბრენდის გაფართოებაში. ერთად მუშაობით, კომპანია გაიზარდა და გახდა გლობალური მოდის გიგანტი.

Valentino Garavani- 1,5 მილიარდი დოლარი

ვალენტინო გარავანმა მოდის ინდუსტრიაში მოღვაწეობა შეგირდობით დაიწყო. იგი დეიდას ეხმარებოდა. როდესაც ვალენტინომ პარიზში სწავლა დაასრულა, მოდის სახლის გასახსნელად რომში დაბრუნდა.

1962 წელს ვალენტინომ წამოიწყო თავისი პირველი ხაზი და ნელ-ნელა რეპუტაციის მოპოვება მთელს მსოფლიოში შეძლო. ბელგიის დედოფალი პაოლა, ინგლისის პრინცესა მარგარეტი, ოდრი ჰეპბერნი და ჟაკლინ კენედი მას ყველაზე სასურველ დიზაინერად თვლიდნენ.

მალე ვალენტინოს შემოქმედება მიჩნეული იქნა იტალიური მაღალი მოდურის მწვერვალად.

Stefano Gabbana- 1,2 მილიარდი დოლარი

Dolce & Gabbana - ცნობილი როგორც D&G, არის დელუქს მოდის სახლი, რომელიც განიხილება, როგორც მსოფლიოს ერთ-ერთი ყველაზე ცნობადი ბრენდი. სტეფანო გაბანა Dolce & Gabbana-ს მილანური ნახევარია. ის სწავლობდა ხელოვნებასა და გრაფიკას, მაგრამ მოგვიანებით გადაწყვიტა უარი ეთქვა მხატვრის კარიერაზე და ძალები მოდის ინდუსტრიაში მოესინჯა. 1993 წელს, მადონამ Dolce & Gabbana-ს დაუკვეთა კოსტიუმები, რომლებსაც Girlie ტურნეზე ჩაიცვამდა.

მომდევნო წლებში კომპანიამ მოიპოვა ფენომენალური წარმატება და აღიარება გლობალური მასშტაბით.

Domenico Dolce - 1,2 მილიარდი დოლარი

Dolce & Gabbana-ს დუეტში დომენიკო დოლჩე სიცილიელი ნახევარია.

მისი მამა პროფესიით მკერავი იყო, რამაც პატარა დომენიკოში თავიდანვე გამოიწვია დიდი ინტერესი მოდის სფეროში. სტუდენტობისას იგი საცხოვრებლად გადავიდა მილანში, სადაც სამუშაო დიზაინის სტუდიაში იპოვა.

ის და სტეფანო გაბანა ერთმანეთს 1980 წელს ღამის კლუბში შეხვდნენ და მალევე დააარსეს Dolce & Gabbana.

Roberto Cavalli - 500 მილიონი დოლარი

1940 წელს, ფლორენციაში დაბადებული რობერტოს კარიერა დაიწყო 1970 წელს, მაგრამ 1990 წლამდე მასზე ცოტამ თუ იცოდა რამე.

დროტა განმავლობაში მან დახვეწა მიდგომები მისი ლეიბლის მიმართ- ახლა ბრენდს კრეატიული დირექტორი პოლ სურრიჯი უძღვება.

Donatella Versace - 400 მილიონი დოლარი

დონატელა არის ცნობილი დიზაინერის ჯანი ვერსაჩეს უმცროსი და. მან ჯანის ტრაგიკული გარდაცვალების შემდეგ 1997 წელს, ბრენდი Versace მემკვიდრეობით მიიღო. დონატელა მუშაობდა Versace -ს აღმასრულებელ დირექტორად, მთავარ შემოქმედებით ოფიცრად და სამხატვრო ხელმძღვანელად.

2018 წელს მან შეასრულა მთავარი როლი კომპანიის გაყიდვაში განსაცვიფრებელი 2,12 მილიარდ დოლარად. გასაკვირია, რომ იმავე წელს, იგი გახდა პირველი ქალი, რომელმაც მოიპოვა წლის დიზაინერის ტიტული "GQ" Men Awards-ზე.

წყარო : therichest.com,   "ბიზნესპრესნიუსი"