საქართველომ ღვინის ექსპორტი 16%-ით გაზარდა. არსებული სტატისტიკური მაჩვენებლების თანახმად, ექსპორტზე 124 520 689 ბოთლი ღვინო გავიდა, 2021 წელს კი 107 134 552 ბოთლი, შესაბამისად ზრდამ 16,2%-ი შეადგინა. რაც შეეხება საექსპორტო ღირებულებას 2022 წელს საქართველოდან უცხოეთის სხვადასხვა ბაზრებზე 272 707 504 დოლარის ღირებულების ღვინო გავიდა, 2021 წელს კი 250 265 399 დოლარის. სტატისტიკური მაჩვენებლების მიხედვით ზრდა 9%-ია.
თუ 2022 წლის მონაცემებს 2012 წლის სტატისტიკურ მაჩვენებლებთან შევადარებთ, ცხადი ხდება, რომ ბოლო 10 წლის განმავლობაში საქართველომ ღვინის ექსპორტი გააოთხმაგა და ზრდამ 433.5%-ი შეადგინა. ღირებულებით ჭრილში კი, ღვინის ექსპორტიდან შემოსავალი თითქმის გასამმაგებულია და ზრდა 280.9%-ს შეადგენს.
რომელ ბაზრებზე გავიდა ყველაზე დიდი რაოდენობით ქართული ღვინო — TOP-10 ქვეყანა:
- რუსეთი (ზრდა გასულ წელთან 40%)
- პოლონეთი (ზრდა გასულ წელთან 8%)
- უკრაინა (კლება გასულ წელთან 51%)
- ჩინეთი (კლება გასულ წელთან 14%)
- ყაზახეთი (კლება გასულ წელთან 1%)
- ბელარუსია (კლება გასულ წელთან 33%)
- ლატვია (კლება გასულ წელთან 2%)
- აშშ (ზრდა გასულ წელთან 2%)
- ლიეტუვა (ზრდა გასულ წელთან 3%)
- გერმანია (ზრდა გასულ წელთან 7%).
2022 წელს პროცენტულ ჭრილში ყველაზე დიდი ზრდა ინდოეთის ბაზარზე დაფიქსირდა