კომპანია „კაიას“ საინჟინრო სისტემების პროექტირებასა და მონტაჟში 11-წლიანი გამოცდილება აქვს. 2016 წლიდან კომპანიამ საქმიანობის არეალი გაზარდა და თუნუქის მაღალტექნოლოგიური საწარმო ააშენა, სადაც სამშენებლო პროდუქცია - ხარაჩოები, სასაწყობე და საპალეტე თაროები, „ლოქერები“, ფერადი საკაბელო არხები, სავენტილაციო სფეროსთვის საჭირო პროდუქტები - AHU, სახანძრო დამპერები, გამწოვი ქოლგები, ცხაურები მზადდება.
როგორც „კაიას“ დირექტორმა ილია ბაჩანაძემ „კომერსანტთან“ საუბარში განაცხადა, 2023 წელი კომპანიისთვის რობოტიზაციისა და ავტომატიზაციის წელი იქნება, რაც მათ შესაძლებლობას მისცემთ, რომ პროდუქციის ფართო სპექტრი ააწარმოონ და მომხმარებელს ხელმისაწვდომი პროდუქცია შესთავაზონ.
ილია ბაჩანაძის თქმით, რეალიზაციის დაწყებამდე, საწარმოში შექმნილი ყველა პროდუქტი ტესტირებას და პასპორტიზაციას გადის. ამას გარდა, „კაიას“ პროდუქცია საქართველოს კანონმდებლობით დადგენილ მოთხოვნებს აკმაყოფილებდეს. მაგალითად, „კაია“ მიერ ქართული სამშენებლო სფეროსთვის შექმნილი უსაფრთხო და პრაქტიკული ხარაჩოები საქართველოს მთავრობის 477-ე დადგენილების მოთხოვნებს სრულად აკმაყოფილებს.
„კაიას“ დირექტორის თქმით, საწარმო, თავისი პროფილიდან გამომდინარე, პანდემიის პერიოდშიც სრული დატვირთვით მუშაობდა და არ გაჩერებულა, რადგანაც სამშენებლო სფეროსთვის საჭირო პროდუქციას აწარმოებენ, მომხმარებლის მოთხოვნილებიდან გამომდინარე ახალ პროდუქციას ამატებენ და საქართველოში ყველაზე დიდი თერმული სამღებრო შექმნეს, რომლის გაფართოებას მომავალ წელსაც გეგმავენ.
„კომპანია „კაია“ მუდმივად იკვლევს ბაზარს და სწორედ მომხმარებლის საჭიროებებიდან გამომდინარე ამატებს ახალ პროდუქციას. წელს რამდენიმე ახალი პროდუქტი დაგვემატა. მაღალი მოთხოვნა იყო დიდი დატვირთვის მქონე სასაწყობე თაროებზე (ე.წ. სტელაჟებზე), ამიტომაც ბევრი საწყობი თუ არქივი ჩვენი ფერადი პროდუქციით გავალამაზეთ. მომხმარებელს სურს, რომ ყოველი ახალი დეტალი, რომელსაც ინტერიერში შეიტანს, მისი ინტერიერის დიზაინს ერგებოდეს. შესაბამისად, სხვადასხვა პროდუქტზე ფერთა დიდ არჩევანს ვთავაზობთ. სწორედ ამისთვის შევქმენით საქართველოში ყველაზე დიდი თერმული სამღებრო, რომლის გაფართოებას მომავალ წელსაც ვგეგმავთ.
ყოველწლიურად იზრდება მოთხოვნა თუნუქის სხვადასხვა დანიშნულების კარადებზე - რეკ და ელექტრო კარადებზე, სასკოლო და სავარჯიშო დარბაზების „ლოქერებზე“ და სხვა. ზომისა და ფერების მრავალფეროვნება და მოქნილობა ჩვენი კლიენტებისთვის ძალიან დიდ კომფორტს ქმნის. სამომავლოდაც მუდმივად შევეცდებით მათი სურვილები და საჭიროებები შევისწავლოთ, გავზარდოთ პროდუქციის ასორტიმენტი და, რაც მთავარია, შევინარჩუნოთმომსახურებისა და კლიენტთა მხარდაჭერის მაღალი სტანდარტი.
ჩვენ ფოკუსირებული ვართ, მომხმარებლებს საუკეთესო ხარისხი და მომსახურება შევთავაზოთ. 2023 რობოტიზაციისა და ავტომატიზაციის წელი იქნება, რაც შესაძლებლობას მოგვცემს, რომ პროდუქციის ფართო სპექტრი ვაწარმოოთ და მომხმარებელს ხელმისაწვდომი პროდუქცია შევთავაზოთ“, - განაცხადა „კომერსანტთან საუბრისას „კაიას“ დირექტორმა ილია ბაჩანაძემ.