2023 წელს, 2022 წელთან შედარებით 2640 მილიარდერიდან დაახლოებით ნახევარი გაღარიბდა, მაგრამ ზოგიერთის მდგომარეობა კიდევ უფრო უარესია: Forbes-ის რეიტინგიდან 254 ადამიანი საერთოდ ამოვარდა. ამის შესახებ Forbes-ი წერს.
მათ შორის, ვინც 2023 წლის მილიარდერთა სიაში ადგილი დაკარგა, რამდენიმე ცნობილი სახეა, მათ შორის - კანიე ვესტი, სემ ბენკმენ-ფრიდი, პოპულარული ბრენდების უკან მდგარი მაგნატები - ტანსაცმლის მწარმოებელი კომპანია Patagonia-ს დამაარსებელი ივონ ჩუენარდი, მეორადი მანქანების დილერი კომპანია Carvana-ს შემქმნელი - ერნესტ გარსია III და ტანსაცმლისა და აქსესუარების ქსელ Nordstrom-ის პენსიაზე გასული ხელმძღვანელი ბრიუს ნორდსტრომი. გარდა ამისა, 2022 წლის რეიტინგში მყოფი 33 მილიარდერი გარდაიცვალა.
Forbes-ი წერს, რომ IT მაგნატებს უმძიმესი პერიოდი ჰქონდათ, რადგან ამ კატეგორიაში, გასული წლის განმავლობაში, 52 მილიარდერის ქონება 1 მილიარდ დოლარზე დაბლა დაეცა.
ფინანსებიდან და ინვესტიციების სფეროდან სტატუსი 44 მილიარდერმა დაკარგა, მათ შორის - სარისკო კაპიტალისტი და ადრეული კრიპტო-ინვესტორი ტიმ დრაპერი და Capital One-ის აღმასრულებელი დირექტორი რიჩარდ ფერბანკი. გარდა ამისა, სია 35 ინდუსტრიულმა მეწარმემაც დატოვა. მათ შორის ანტუან რაბიმ და რონენ ჰარარიმ Spin Master Corporation-დან.
ყველაზე მეტმა - 80-მა ჩინელმა მილიარდერმა დაკარგა წელს მილიარდერის სტატუსი. მეორე ადგილზეა - შეერთებული შტატები, რომელიც ჩვეულებრივ ლიდერობს მილიარდერების რაოდენობით. შეერთებული შტატებიდან სია 47-მა მილიარდერმა დატოვა, ინდოეთიდან - 23-მა, ხოლო სამხრეთ კორეიდან - 15-მა.