2023 წელს ევროზონას რეცესია არ დაემუქრება, სამაგიეროდ მისი ეკონომიკა 0,1%-ით გაიზრდება,- ამის შესახებ ბრიტანული გაზეთი Financial Times-ი ანალიტიკურ კომპანია Consensus Economics-ზე დაყრდნობით იტყობინება.
კომპანიის მიერ ეკონომისტებს შორის ჩატარებული გამოკითხვის თანახმად, ენერგიის დაბალი ფასები, ევროპის მთავრობების მხარდაჭერის ზომები და ჩინეთში კოროვირუსული შეზღუდვების მოხსნა იქნება მთავარი ფაქტორები, რომლებიც ხელს შეუწყობს გლობალური ეკონომიკის ზრდას. გამოცემა იხსენებს, რომ ერთი თვის წინ ექსპერტები პესიმისტურად უყურებდნენ 2023 წლის ევროზონის ეკონომიკურ პერსპექტივებს, ახლა კი მათ წინა პროგნოზები გადახედეს.
„საშინელი ენერგეტიკული კრიზისის საფრთხე მცირდება და ინფლაცია უფრო სწრაფად იკლებს, ვიდრე მოსალოდნელი იყო“, - თქვა საინვესტიციო კომპანია Hargreaves Lansdown-ის ანალიტიკოსმა სიუზან სტრიტერმა. თავის მხრივ, უმსხვილესი შვეიცარიული ბანკის UBS-ის ეკონომისტმა ანა ტიტარევამ აღნიშნა, რომ ევროზონაში რეცესიის ალბათობა ახლა შეფასებულია 30%-ით, გასულ ზაფხულს 90%-თან შედარებით.