საქართველოს თხილის მწარმოებელთა ასოციაციის ხელმძღვანელი მერაბ ჭითანავა აცხადებს, რომ თხილის მწარმოებლების აქტიურობის პირობებში 2023 წელს საქართველოს შარშანდელთან შედარებით თხილის ბევრად უკეთესი მოსავალი ექნება - ამის შესახებ ინფორმაციას Eastfruit ავრცელებს.
„მომავალ სეზონზე ძალიან დიდ მოლოდინებს ვამყარებთ, მწარმოებლების თქმით თხილის ბაღებმა ზამთარი კარგად გადაიტანა და თითქმის ყველა რეგიონში კარგი ყვავილობა იყო, ბუნებრივი პირობებიდან გამომდინარე 2023 წელს თხილის უკეთეს მოსავალს ველოდებით - აცხადებს მერაბ ჭითანავა.
ჭითანავას თქმით მთავარია ფერმერები თხილის წარმოების მთელ ციკლს პასუხისმგებლობით მოეკიდნონ, იქნება ეს ბაღების ქიმიური დამუშავება, მავნებლებისა და მღრღნელებისგან დაცვა , მოსავლის განაყოფიერება და თუ მოსავლის აღება და შენახვა. მისივე თქმით მოუვლელი ბაღი მოვლის კონკურენციას ვერასდროს გაუწევს.
თხილის ასოციაციის ცნობით როგორც რაოდენობრივად ისევე ხარისხობრივად 2022 წლის მოსავალი ძალიან ცუდი იყო, მათივე ცნობით მოსავალმა 40 000 ტონაზე ნაკლები შეადგინა მაშინ როცა თხილის საშუალო მოსავალი 55 000 ტონაა.
დღეს ქვეყანაში თხილის მოცულობა თითქმის ამოწურულია და გასაყიდი თხილი დარჩენილი აღარ არის, მაშინ როცა ერთი წლით ადრე მოსავლის 20-25% ბაზარზე რჩებოდა.
მერაბ ჭითანავა ფერმერებს მოუწოდებს, რომ თხილის რეალიზაციისას ხარისხის შეფასების რაოდენობრივ მეთოდს არ დაეთანხმონ.
„დასავლეთ საქართველოში (კახეთის რეგიონში ასე არ ხდება) თხილის ხარისხის შესამოწმებლად ახალი რაოდენობრივი მეთოდი მოიგონეს: 10-20 თხილს ამტვრევენ, ხედავენ რამდენი მარცვალია ჯანსაღი და ამის მიხედვით ასახელებენ. ამ მეთოდის ერთადერთი მიზანი თხილის იაფად ყიდვაა, რაც მხოლოდ აზარალებს ფერმერს. ეს მეთოდი მსოფლიოში არსად გამოიყენება და ჩვენ ამ მეთოდს მხარს არ ვუჭერთ. მარცვლის მოსავლიანობას მხოლოდ ჯანსაღი მარცვლის რაოდენობა არ განსაზღვრავს, ეს დამოკიდებულია მარცვლის წონაზე. თუ, მაგალითად, ერთი ათეული თხილიდან 6 ჯანსაღი მარცვალი გამოვა, მეორე ათეული თხილიდან კი 6 ჯანსაღი მარცვლები, თხილს იმავე ფასად და ფერმერი გარკვეულ პროცენტს დაკარგავს. მე მოვუწოდებ ფერმერებს, თხილი გაყიდონ ლაბორატორიაში (შესყიდვის პუნქტი, საშრობი საწარმო, თხილის გადამამუშავებელი ქარხანა), სადაც გაკეთდება ანალიზები და დადგინდება რეალური შესყიდვის ფასი“, - აღნიშნა მერაბ ჭითანავამ.