2023 წელს უკრაინაში მარცვლეულის მოსავალი სავარაუდოდ 44,3 მილიონ ტონამდე შემცირდება, მაშინ როდესაც 2022 წელს ის თითქმის 10 მლნ ტონით მეტი იყო. სოფლის მეურნეობის სამინისტროს ინფორმაციით, კლების მიზეზი მარცვლეულის ნაკლებ ფართობზე დათესვამ გამოიწვია, რაც ქვეყანაში რუსეთის შემოჭრის გამო ხდება. ინფორმაციას Reuters ავრცელებს.
2023 წელს მოსალოდნელია 16,6 მლნ ტონა ხორბლის მოსავალის (2022 წელს 20,5 მლნ ტონა), 21,7 მლნ ტონა სიმინდის მოსავალის (25,6 მლნ ტონა 2022 წელს) და 4,8 მლნ ტონა ქერის მოსავალის (5,6 მლნ ტონა 2022 წელს) მიღება. უკრაინის ხელისუფლების ცნობით, წელს სათესი მიწის ფართობი შემცირებულია 1,4 მლნ ჰექტრით 10,2 მილიონ ჰექტრამდე.
„მარცვლეულის თესვის ფართობის შემცირება, საშუალო მოსავლიანობის სავარაუდო შემცირებასთან ერთად, რომელიც გამოწვეულია ძირითად პროდუქტებზე ფასების გაზრდით, გავლენას მოახდენს მოსავლის მოცულობაზე“, - აცხადებენ სამინისტროში.
სამინისტროს ინფორმაციით, მოსალოდნელია ზეთოვანი კულტურების მოსავლის ზრდა 18,2 მლნ ტონიდან 19,2 მლნ ტონამდე. კერძოდ, მზესუმზირის მოსავალი გაიზრდება 11,1 მლნ-დან 11,5 მლნ-მდე, ხოლო რაფსის 3,7 მლნ-დან 3,8 მლნ-მდე.