2024 წელს აშშ-ის ფისკალური ბიუჯეტი 6,8 ტრილიონი აშშ დოლარი იქნება, ხოლო ბიუჯეტის დეფიციტი 1,8 ტრილიონი დოლარი.
აშშ-ის 2024 წლის ფედერალური ბიუჯეტის პროექტის მიხედვით, ქვეყნის ადმინისტრაცია თავდაცვის ხარჯებს 3,2%-ით 842 მილიარდ დოლარამდე ზრდის. აშშ მომავალ წელს რეკორდულ მაღალ ხარჯებს იარაღისა და აღჭურვილობის შესყიდვაზე დახარჯავს.
2024 წლის ბიუჯეტში გათვალისწინებულია რეკორდული რაოდენობის თანხა 145 მილიარდ აშშ დოლარი კვლევასა და განვითარებაზე. ბიუჯეტი მოიცავს ასევე 170 მილიარდ აშშ დოლარს იარაღისა და სამხედრო ტექნიკის შესაძენად, რაც ყველაზე დიდი დანახარჯია ისტორიაში. აშშ-ის თავდაცვის დეპარტამენტი 2024 წელს 24 ჰიპერბგერითი რაკეტის შეძენას გეგმავს, ხოლო ეროვნული სამხედრო-სამრეწველო კომპლექსიდან მაღალი სიზუსტის იარაღის შესაძენად 11 მილიარდ დოლარს გამოყოფს.
აშშ-ს სენატში რესპუბლიკური პარტიის ლიდერი მიჩ მაკკონელი თვლის, რომ აშშ-ს თავდაცვის ხარჯები უნდა შეესაბამებოდეს იმ გამოწვევებს, რომელთა წინაშეც ქვეყანა მსოფლიო ასპარეზზე დგას.
„ჩვენი მოკავშირეები მთელს მსოფლიოში ახლა სერიოზულად არიან ორიენტირებულნი იმაზე, რომ თავდაცვის ხარჯები საჭიროებებზე იყოს მორგებული და ცხადია, რომ საჭიროება, ნებისმიერი შეფასებით, იზრდება“ - აღნიშნა მაკკონელმა.
გარდა ამისა, პენტაგონი მომავალ წელს აპირებს შეიძინოს 83 ერთეული მეხუთე თაობის გამანადგურებელ-ბომბდამშენი F 35, 24 - F-15 EX , 15 საჰაერო ტანკერი KC-46. ასევე შეიძენს Columbia კლასის ერთ ახალ ბირთვული ბალისტიკური რაკეტის წყალქვეშა ნავს (SSBN), ორ Virginia კლასის ნავს, ორ Arleigh Burke კლასის გამანადგურებელს, ორ Constellation კლასის ფრეგატს, 80 ამფიბიას საზღვაო ქვეითებისთვის და 91 მრავალფუნქციურ ჯავშანმანქანას სახმელეთო ძალებისთვის.
2024 წლის ბიუჯეტი ითხოვს 64.5 მილიონ აშშ დოლარს აშშ-ს შინაგან საქმეთა დეპარტამენტის (DOI) ოკეანის ენერგიის მართვის ბიუროს (BOEM) განახლებადი ენერგიის პროგრამისთვის - 21.6 მილიონი აშშ დოლარით მეტი, ვიდრე 2023 წლისთვის.
აშშ
