2022 წელს 14-მა კომერციულმა ბანკმა რეკორდული რაოდენობის შემოსავალი და მოგება მიიღო. ეროვნული ბანკის მიერ გამოქვეყნებული ფინანსური ანგარიშგების მიხედვით, გასულ წელს ბანკების წმინდა მოგება 2.088 მილიარდი ლარი იყო, რაც 2021 წელთან შედარებით 6 მლნ ლარით მეტია. კომერციული ბანკების შემოსავლებმა კი 7.505 მლრდ ლარი შეადგინა, ერთი წლის წინ ეს მაჩვენებელი 5.975 მლრდ ლარი იყო.
კომერციულმა ბანკებმა შარშან 7.5 მილიარდი ლარის საპროცენტო და არასაპროცენტო შემოსავლები მიიღეს, რაც 2021 წელთან შედარებით 1.5 მილიარდი ლარით მეტი იყო.
ბანკების 7.5 მილიარდი ლარის შემოსავლები ასე ნაწილდება:
- საპროცენტო შემოსავლები - 5.64 მილიარდი ლარი (ფიზიკური პირების სესხებიდან 2.93 მლრდ (ზრდა18%); იურიდიული პირების სესხებიდან 1.9 მილიარდი ლარი).
- საპროცენტო შემოსავლები ფასიანი ქაღალდებიდან 597 მილიონი ლარი.
1.86 მილიარდი ლარის არასაპროცენტო შემოსავლების განაწილება კი ასეთია:
- საკომისიოები 574 მლნ ლარი;
- შემოსავლები ჯარიმებიდან 95 მლნ ლარი.
შემოსავალი სავალუტო კონვერსიების ოპერაციებიდან - 886 მილიონი ლარი იყო.
ქართული ბანკების 4.97 მილიარდიანი ხარჯები ასე განაწილდა:
- საპროცენტო ხარჯები - 2.77 მილიარდი ლარი, მათ შორის დეპოზიტებზე 1.52 მილიარდი ლარი; ბანკების მიერ ნასესხებ სხვა თანხებზე დარიცხული პროცენტი 968 მლნ ლარი.
- არასაპროცენტო ხარჯები - 1.86 მლრდ ლარი, მათ შორის აპარატის შენახვის ხარჯი 967 მლნ ლარი; ინვენტარის ხარჯი 284 მლნ ლარი ; ზარალი აქტივების შესაძლო დანაკარგებზე 335 მლნ ლარი.
ბანკების მოგება დაბეგვრამდე - 2.53 მილიარდი ლარი, ხოლო მოგების გადასახადი კი 446 მლნ ლარი იყო.