2021 წლის 1 იანვრიდან საგადასახადო კოდექსის დამატებული ღირებულების გადასახადის მთლიანი კარი შეიცვალა, კერძოდ, განისაზღვრა ახალი ტერმინები და დაზუსტდა უკვე არსებული ტერმინები, გაფართოვდა ჩათვლის არეალი, შეიცვალა დღგ-ს სავალდებულო რეგისტრაციასთან დაკავშირებული მოთხოვნები, მნიშვნელოვანწილად შეიცვალა დღგ-თი დაბეგვრის ობიექტები და ზოგადად დაბეგვრის მიდგომები.
აუდიტორული და საკონსულტაციო კომპანია „მოორ ეიბისი“ დაინტერესებულ პირებს სთავაზობს ონლაინ რეჟიმში დღგ-ს კარში შესული ცვლილებების მოკლე მიმოხილვას, რომლის მიზანია მსმენელებს გააცნოს 2021 წლის 1 იანვრიდან საგადასახადო კოდექსის დღგ-ს ნაწილში შესული ძირეული ცვლილებები და დაეხმაროს მათ კანონმდებლობის სწორად აღქმაში. აღნიშნული ვებინარი განკუთვნილია ბუღალტრებისთვის, ფინანსისტებისთვის, მენეჯერებისთვის და სხვა დაინტერესებული პირებისთვის, რომლებსაც უწევთ საგადასახადო კოდექსის ყოველდღიურ პრაქტიკაში გამოყენება.
შეხვედრაზე განხილული იქნება უმეტესწილად ის ცვლილებები, რომელიც პრაქტიკაში ყველაზე მეტად გვხვდება, კერძოდ:
-
ტერმინთა განმარტება;
-
დასაბეგრი ოპერაციები;
-
დასაბეგრი ოპერაციის განხორციელების ადგილი;
-
დასაბეგრი ოპერაციის დრო და თანხა;
-
უკუდაბეგვრის დღგ;
-
დღგ-ის გადამხდელად რეგისტრაცია, დეკლარირებისა და გადახდის ვადები;
-
დღგ-ის ჩათვლის წესი, ჩათვლის დოკუმენტები.
ტრენინგი ჩატარდება 25 მარტს 19 საათზე, ზუმის ონლაინ პლატფორმის გამოყენებით. რეგისტრაციისთვის მიჰყევით შემდეგ ბმულს:
https://forms.gle/3k2tTxsqVx4sTq346
რეგისტრაციის გავლის შემდეგ, მონაწილეები ზუმის ონლაინ პლატფორმის შესაბამის ბმულს ელ. ფოსტაზე მიიღებენ.
დასწრება თავისუფალია
ცნობისთვის, Moore abc წარმოადგენს აუდიტორული და საკონსულტაციო ფირმების გლობალური ქსელის - Moore Global Network Limited- ის დამოუკიდებელ წევრ კომპანიას.
ბრიტანული წარმოშობის, საერთაშორისო აუდიტორული და საკონსულტაციო ქსელი Moore Golobal, 100 წელზე მეტი ხნის განმავლობაში ეხმარება კლიენტებს ადგილობრივ და საერთაშორისო გამოწვევებთან გამკლავებაში და წარმოდგენილია მსოფილოს 110-ზე მეტ ქვეყანაში, 30,000-ზე მეტი თანამშრომლითა და 600-ზე მეტი ოფისით.
კომპანიის შესახებ ინფორმაცია სრულად შეგიძლიათ იხილოთ ვებ გვერდზე www.moore-georgia.ge
(R)
მოორ ეიბისი
