საქართველოს ეროვნულმა ბანკმა კომერციული ბანკების 2022 წლის პირველი კვარტლის ფინანსური მაჩვენებლები გამოაქვეყნა. მონაცემების მიხედვით, საქართველოში მოქმედი კომერციული ბანკების ანგარიშზე ჯამში 301 850 426 ლარის ღირებულების უძრავი და მოძრავი ქონებაა დასაკუთრებული.

2022 წლის პირველი კვარტლის მონაცემებით, „თიბისი ბანკი“ 145 444 985 ლარის ღირებულების ქონება დაისაკუთრა. შემდეგ მოდის „საქართველოს ბანკმა“ , მის მიერ დასაკუთრებული უძრავი და მოძრავი ქონება ამავე პერიოდში 94 859 602 ლარს უტოლდება. 2022 წლის 1 აპრილის მდგომარეობით, ბანკების მიერ დასაკუთრებული ქონების 79.7% სწორედ ამ ორი მსხვილ ბანკზე მოდის.

დასაკუთრებული ქონების მოცულობის მიხედვით, საქართველოს კომერციული ბანკების რეიტინგი ასეთია:

თიბისი ბანკი – 145 444 985 ლარი

საქართველოს ბანკი – 94 859 602 ლარი

ვითიბი ბანკი ჯორჯია – 19 261 987 ლარი

ქართუ ბანკი – 15 975 500 ლარი

ბაზის ბანკი – 11 115 940 ლარი

ხალიკ ბანკი საქართველო – 7 828 664 ლარი

ტერაბანკი – 3 854 056 ლარი

კრედო ბანკი – 1 974 350 ლარი

იშ ბანკი საქართველო - 735 525 ლარი

პაშა ბანკი საქართველო - 232 301 ლარი

სილქ როუდ ბანკი – 229 858 ლარი

ლიბერთი ბანკი – 162 038 ლარი

პროკრედიტ ბანკი – 147 120 ლარი

ზირაათ ბანკი საქართველო – 28 500 ლარი.