ლარი გაუფასურების ახალ რეკორდულ ნიშნულს უახლოვდება. Bloomberg-ის პლატფორმაზე 1 აშშ დოლარის ღირებულება თბილისის დროით 9 მარტს, 11:00 სთ-ზე 3.4500-ს აღწევს. ამაზე 2-3 თეთრით უფრო ძვირი დოლარი მხოლოდ 2 წლის წინ 2020 წლის 26-27 მარტს და 2021 წლის 27 აპრილიდან 4 მაისამდე არსებულ შუალედში ღირდა.
2020 წელს ეროვნულმა ბანკმა 26-ჯერადი ინტერვენციის შედეგად $873 მლნ-ის რეზერვები გაყიდა, 2021 წელს სავალუტო აუქციონი 9-ჯერ მოეწყო და ბაზარს $333 მლნ მიეწოდა. მიუხედავად იმისა, რომ წელს ლარი უკვე 12%-ით, ბოლო 1 თვეში კი 15%-ით გაუფასურდა, ეროვნულ ბანკი ჯერჯერობით არ ჩქარობს.
თუ 2020 წელს ნავთობის ფასი 22 წლიან მინიმუმამდე დაეცა, რამაც ინფლაციის ზრდის ტემპი შეამცირა, ახლა ბარელი ნავთობი $130-ზე მეტი ღირს, რაც 14 წლიანი მაქსიმუმია. ეს კი სამომხმარებლო ფასების ზრდის გარანტიაა.