2022 წლის მეოთხე კვარტლის მდგომარეობით, პენსიით უზრუნველყოფილი სესხი 358 000 ადამიანს აქვს.
ბანკის ანგარიშგების მიხედვით, ასაკით პენსიონერთა და სოციალური პენსიების მიმღებთა სესხის ოდენობა სულ 345 მილიონ ლარს შეადგენს. შესაბამისად, ერთი საპენსიო სესხის საშუალო მოცულობა 967 ლარია. მეოთხე კვარტლის განმავლობაში გაცემული საპენსიო სესხების საშუალო შეწონილი ნომინალური საპროცენტო განაკვეთი 35%-ს შეადგენდა.
გასული წლის მეოთხე კვარტალი „ლიბერთი ბანკმა“ 66 939 612 ლარის მოგებით დაასრულა. ბანკის საკრედიტო პორტფელი კი 2 501 952 397 ლარი (2021 წლის 12 თვეში 1,975,000,866 ლარი) იყო.
2022 წლის მაისში „ლიბერთი ბანკმა” სახელმწიფოს მიერ გამოცხადებულ ტენდერში კიდევ ერთხელ გაიმარჯვა და მომდევნო 7 წლის განმავლობაში პენსიების გაცემას ის უზრუნველჰყოფს.