4 წარუმატებელი აუქციონის შემდეგ „მიხაილოვის საავადმყოფო“ გაიყიდა. კულტურული მემკვიდრეობის ძეგლი შპს ჰანსმა 16-მილიონ ლარად იყიდა. პროექტით მხოლოდ ერთი, უცხოელი ინვესტორები დაინტერესდა - შპს ჰანსის 100 % წილის მფლობელი რუსი ბიზნესმენი წარმოშობით ქართველი, ბათუმელი შალვა ბრეუსი. ის საქართველოს და რუსეთის ორმაგი მოქალაქეა.
შალვა ბრეუსი 1998-1999 წლებში რუსეთის კრასნოიარსკის მხარის გუბერნატორის პირველი მოადგილე, შემდეგ კი 2003 წლის იანვრამდე რუსეთის ფედერაციის ქონებრივი ურთიერთობის მინისტრის მოადგილე იყო. ის რუსეთში არაერთ ბიზნესს ფლობს, მათ შორის ცელულოზის კომბინატ “ვოლგას” მესაკუთრეა.
საპრივატიზებო პირობების მიხედვით, ტერიტორიაზე მრავალფუნქციური კომპლექსი, მათ შორის მუზეუმები, ბიბლიოთეკები, კაფეები და სხვა საჯარო ინფრასტრუქტურა მოეწყობა, რისთვისაც არანაკლებ 30 მლნ ლარის ინვესტიცია განხორციელდება. აღსანიშნავია რომ ასევე მოხდება კულტურული მემკვიდრეობის სტატუსის აღდგენა და შენარჩუნება.
შეგახსენებთ, რომ ყოფილი მიქაელის საავადმყოფოს აუქციონი 3 წელში 4-ჯერ ჩაიშალა. საქართველოს მთავრობა ობიექტის გასხვისებას „100 საინვესტიციო შეთავაზება ბიზნესს“ ფარგლებშიც ცდილობა. კომერსანტი ერთ-ერთი გამორჩეული საავადმყოფო კომპლექსის გასხვისების ქრონიკას დეტალურად გაგაცნობთ:
წმ. მიქაელის სახელობის ყოფილი საავადმყოფოს ტერიტორია 2015 წლის დასაწყისში 4 მლნ აშშ დოლარად გაიყიდა. მაშინ ინვესტორი ვალდებული იყო ტერიტორიაზე არანაკლებ 200-ნომრიანი, 5-ვარსკვლავიანი სასტუმრო და სამორინე განეთავსებინა. საინვესტიციო ვალდებულება არანაკლებ 100 მლნ ლარს შეადგენდა, ხოლო კომპანიას სამშენებლო სამუშაოები 2016 წლის დასაწყისისთვის უნდა დაეწყო. კომპანიამ ხელშეკრულებით ნაკისრი ვალდებულებები არ შეასრულა და იმავე წლის ბოლოს „აღმას“ ქონება ჩამოერთვა.
ქონების ეროვნულმა სააგენტომ ობიექტი საპრივატიზაციოდ 2018 წელს გამოიტანა. საავადმყოფო კომპლექსი საწყისი ფასი 35 მილიონი ლარი, ხოლო საინვესტიციო ვალდებულება კი 100 მილიონი ლარი იყო, თუმცა აუქციონი ვერ შედგა.
წარუმატებელი აღმოჩნდა 2019 წელის იანვარში, იდენტური ღირებულებით და საინვესტიციო ვალდებულებებით გამოცხადებული აუქციონიც.
შედეგი საინვესტიციო ვალდებულებების 40 მილიონამდე შემცირებამ გამოიღო. ობიექტი ვერც 2019 წლის ნოემბერში გასხვისდა.
ბოლოს, აუქციონი 2021 წლის 30 მარტს გამოცხადდა, რა დროსაც ობიექტის საწყისი ფასი 39,800,000 ლარამდე გაიზარდა. ამ შემთხვევაშიც საინვესტიციო ვალდებულება ისევ 40,000,000 ლარი იყო. თუმცა, აუქციონი ჩაიშალა.
commersant