მაშინ როდესაც რუსეთის ოფიციალური პირები უკრაინაში შეჭრას და პრეზიდენტ პუტინის რუსეთის ეკონომიკაზე გავლენას უარყოფენ, 2022 წლის სტატისტიკურმა მონაცემებმა შერეული სურათი დახატა.
იყო გარკვეული დადებითი ნიშნებიც, ინფლაციამ მას შემდეგ დაიკლო რაც აპრილში პიკს მიაღწია, ხოლო ნავთობისა და გაზით მიღებულმა შემოსავლებმა რეკორდულ დონეს მიაღწია.
გასულ კვირას საერთაშორისო სავალუტო ფონდმა რუსეთის ეკონომიკის პროგნოზს გადახედა და 2023 წელს 0,3%-იანი ზრდა იწინასწარმეტყველა.
ფულადი გზავნილები გასულ წელს გაიზარდა, რადგან ხალხის დიდმა ნაწილმა ქვეყანა დატოვა, საბანკო მოგება შემცირდა და ქვეყნის ბიუჯეტის დეფიციტმა რეკორდულ დონეს მიაღწია.
Moscow Times-მა 2022 წლის ყველაზე საინტერესო მონაცემები შეაგროვა და ხუთი გრაფიკი შექმნა, რომელიც რუსეთის ეკონომიკის მდგომარეობას აღწერს.
ბიუჯეტის დეფიციტი
გასულ წელს რუსეთის ეკონომიკაში ბიუჯეტის დეფიციტმა 3,3 ტრილიონი რუბლი შეადგინა, რაც ქვეყნის უახლეს ისტორიაში მეორე ყველაზე მაღალი მაჩვენებელია.
ბიუჯეტის 2,3%-იანი დეფიციტი მხოლოდ 2020 წელს კოროვირუსული პანდემიის დროს დაიძლია, როდესაც მან 4,1 ტრილიონ რუბლს მიაღწია , რამაც მშპ-ს 3,8% შეადგინა.
რუსეთი ვარაუდობს, რომ მისი ბიუჯეტის დეფიციტი შესაძლოა 4,5 ტრილიონ რუბლამდე გაიზარდოს, რადგან უკრაინის ომის კონტექსტში, ქვეყნის დანახარჯების მინიმუმ ერთი მესამედი თავდაცვისა და უსაფრთხოების სფეროს მოხმარდება.
ნავთობი და გაზი
ნავთობისა და გაზის გაყიდვიდან მიღებული შემოსავალი გასულ წელს 28% -ით გაიზარდა და ჯამში 2,5 ტრილიონ რუბლს მიაღწია.
თუმცა როგორც ჩანს, რუსული ნავთობის ფასი დასავლური ფასის ლიმიტის ფონზე ეცემა და მოსალოდნელია, რომ ეს მოგება შემცირდება.
ანალიტიკოსები ასევე ვარაუდობენ, რომ რუბლის გამყარება, ნავთობისა და გაზიდა მიღებულ შემოსავლებს შეამცირებს.
ინფლაცია და საპროცენტო განაკვეთები
2022 წლის დასაწყისში ომმა, განსაკუთრებით დასავლეთის მიერ დაწესებული სანქციების შემდეგ სამომხმარებლო ფასების ზრდას შეუწყო ხელი, თუმცა, მომდევნო თვეებში ინფლაცია შემცირდა და წლის ბოლოს ჯამურმა მაჩვენებელი 11.9% შეადგინა. ისეთმა ეკონომისტებმა, როგორიცაა მილოვი, აღნიშნეს რომ ბოლო თვეების განმავლობაში ზოგიერთ სამომხმარებლო საქონელზე ფასები გაიზარდა.
ცენტრალურმა ბანკმა ომის დაწყებისას საპროცენტო განაკვეთები მკვეთრად გაზარდა, მაგრამ მას შემდეგ განაკვეთები თანდათან შემცირდა და წელი 7,5%-ით დაასრულა.
ცენტრალური ბანკის პროგნოზით, 2023 წელს სამომხმარებლო ფასები 7%-ით გაიზრდება.
ფულადი გზავნილები პოსტსაბჭოთა ქვეყნებში
რუსეთიდან პოსტსაბჭოთა ქვეყნებში ფულადი გზავნილები იმის გამო გაიზარდა, რომ ასიათასობით რუსი მობილიზაციას გაექცა და ქვეყანა დატოვა.
ყოფილ საბჭოთა რესპუბლიკებში - ემიგრაციაში მყოფი რუსების ერთ-ერთმა ყველაზე პოპულარული მიმართულებამ - 2022 წლის ფულადი გზავნილების ზრდამ 600% შეადგინა.
საბანკო სექტორის მოგება
2021 წელს 2,4 ტრილიონი რუბლის - რეკორდული მოგების გამოქვეყნების შემდეგ, რუსეთის ბანკებს 2022 წელს გაცილებით ნაკლებად მომგებიანი წელი ჰქონდათ.
მათ წელი მხოლოდ 203 მილიარდი რუბლის მოგებით დაასრულეს, რაც მეანაბრეების გადინებით და დასავლური სანქციებით იყო გამოწვეული.
ცენტრალურმა ბანკმა გასულ თვეში განაცხადა, რომ საბანკო სექტორის მოგებამ 2023 წელს შესაძლოა 1 ტრილიონ რუბლს გადააჭარბოს.
რუსეთი
