დაზღვევა მნიშვნელოვანი ფინანსური პროდუქტია, რადგან გაუთვალისწინებელი შემთხვევების დადგომისას მისი საშუალებით მნიშვნელოვანი ფინანსური ზიანის თავიდან არიდებაა შესაძლებელი. სასურველია, გაუთვალისწინებელ მოვლენებზე თავიდანვე ვიზრუნოთ და დავაზღვიოთ რისკები.
„კომერსანტი“ გთავაზობთ 5 რჩევას, რაც უნდა გავითვალისწინოთ სადაზღვევო პეროდუქტის შეძენამდე:
შეაფასეთ თქვენი მოთხოვნები და პრიორიტეტები
პირველ რიგში, სწორად განსაზღვრეთ, რისი დაზღვევა გსურთ. შესაძლოა, თქვენთვის უფრო მნიშვნელოვანი იყოს საკუთარი ან თქვენი ოჯახის წევრების ჯანმრთელობა, ქონება, ბიზნესი, მესამე პირების წინაშე პასუხისმგებლობა თუ სხვა. დაფიქრდით იმ გაუთვალისწინებელი შემთხვევების შესახებ, რომლის გამოც შესაძლოა მნიშვნელოვანი ფინანსური დანკარგების წინაშე აღმოჩნდეთ. სწორედ თქვენი პასუხი ამ შეკითხვაზე განსაზღვრავს იმას, თუ რისი დაზღვევა გჭირდებათ უფრო მეტად და რისი დაზღვევაა თქვენთვის პრიორიტეტული.
შეისწავლეთ სადაზღვევო კომპანიები და შეადარეთ შემოთავაზებები
ყურადღებით გაეცანით დაზღვევის პირობებს და დაუსვით ნებისმიერი თქენთვის მნიშვნელოვანი კითხვა მზღვეველს ან ბროკერს. დარწმუნდით, რომ პოლისი, რომლის შეძენასაც ფიქრობთ, მოიცავს ყველა იმ რიკს, რომლებისგანაც გსურს თავის დაცვა.
სადაზღვევო კომპანიის შერჩევისას ყურადღება მიაქციეთ: 1. გამოცდილებას; 2. კმაყოფილი მომხმარებლების რაოდენობას; 3. სისწრაფეს ანუ რამდენად მოკლე დროში ანაზღაურებენ ზარალს. 4. პროვაიდერ კლინიკებს; 5. საერთაშორისო პარტნიორებს.
გაარკვიეთ, რას არ ფარავს დაზღვევა
ყველა ტიპის დაზღვევა მოიცავს ისეთ პირობებს ან გარემოებებს, რა დროსაც სადაზღვევო ორგანიზაცია თანხას არ გადაგიხდის, მათ „გამონაკლისები“ ეწოდება. დაზღვევის შეძენამდე, მოითხოვეთ დეტალურად აგიხსნან გამონაკლისები და პირობები რა დროსაც არ აგინაზღაურდებათ თანხა. ეს საშუალებას მოგცემთ შეიქმნთ სწორი მოლოდინი.
გაარკვიეთ, ფრანშიზის პირობა და ოდენობა
დაზღვევა ხშირად ითვალისწინებს ფრანშიზას. ეს არის თანხა, რომელსაც მზღვეველი არ ანაზღაურებს. ის შეიძლება იყოს როგორც პირობითი, ასევე უპირობო. ეს უკანასკნელი გულისხმობს, იმ თანხის ოდენობას რაც საზაღვევო თანხას, თითოეული გამოყენებისას აკლდება. პირობითი ფრანშიზა კი თანხის ის ოდენობაა, რომელიც არ ანაზღაურდება კონკრეტული სადაზღვევო შემთხვევის დადგომისას. მისი ოდენობა და დამახასიათებელი პირობები მოქმედებს სადაზღვევო პაკეტის ღირებულებაზე. ასევე გაითვალისწინეთ, რომ თუ პირი მითითებულ ვადებში არ ფარავს სერვისის ღირებულებას სრულად და დროულად, სადაზღვევო კომპანია ხელშეკრულების პირობების, ამ შემთხვევაში კი ზიანის ანაზღაურების, ვალდებულებისაგან თავისუფლდება.
გაეცანით ხელშეკრულებას
დეტალურად გაეცანით ხელშეკრულებას ან საჭიროების შემთხვევაში ის აჩვენეთ იურისტს.
დაზღვევა
