ბინის ყიდვა ცხოვრებაში ერთ-ერთი ყველაზე მნიშვნელოვანი გადაწყვეტილებაა, ამიტომ შეძენამდე დიდი დაფიქრებაა საჭირო. გარდა ძირითადი ფაქტორებისა, როგორიცაა საერთო ფართი, უბანი, სართული და.ა.შ. ასევე გასათვალისწინებელია სხვა დეტალებიც. სასურველი ბინის ყიდვა area.ge-ს საშუალებით ძალიან მარტივი და კომფორტულია, თუმცა შერჩევისას უმჯობესია ქვემოთ მოცემული რჩევები გაითვალისწინოთ.
მშენებლობის ხარისხი
შენობის სიმყარე და ხარისხი დიდწილად დამოკიდებულია იმ მასალებზე, რითაც ხდება შენება. როგორც წესი ამ დეტალებში რიგითი ადამიანები ვერ ერკვევიან, ამიტომ საჭიროა კონსულტაციის გავლა კომპეტენტურ ადამიანებთან.
საძირკველი, სახურავი და გაყვანილობა
ეს სამი საკითხი მნიშვნელოვანია და მათი შეცვლა დიდ ხარჯებს მოითხოვს. ამიტომ აუცილებლად დააკვირდით შემდეგ დეტალებს: ბზარები კორპუსის ქვედა ნაწილში, მიუთითებს არამყარ საძირკველს, ობი გაყვანილობაზე მანიშნებელია იმისა, რომ დაზიანებულია და შესაძლოა ყიდვიდან ძალიან მცირე დროში შესაცვლელი გაგიხდეთ. მართალია, ბოლო პერიოდში ზედა სართულები ძალიან მოთხოვნადი გახდა ხედებისა და სხვა უპირატესობების გამო, მაგრამ თუ ბინის შეძენას ბოლო სართულზე აპირებთ, აუცილებლად დაინტერესდით რა მდგომარეობაშია სახურავი და დაზიანების შემთხვევაში ვინ იზრუნებს შეკეთებაზე, კომპანია თუ თქვენ, როგორც ბინის მესაკუთრე.
რეკრეაციული ზონა
რეკრეაციული ზონის სახლის მახლობლად არსებობა, ნიშნავს იმას რომ განსატვირთად, სასეირნოდ შორს წასვლა არ დაგჭირდებათ და სახლთან ახლოსვე შეძლებთ დასვენებას.
ამასთან ერთად, კორპუსს, საცხოვრებელ კომპლექსს აუცილებლად უნდა ჰქონდეს გასართობი სივრცე ბავშვებისთვის, სათამაშო მოედნები, ატრაქციონებით უზრუნველყოფილი პარკები, რათა პატარებმა შეძლონ სახლთან ახლოს გართობა.
სავაჭრო ობიექტების სიახლოვე
წარმოიდგინეთ სამსახურიდან დაღლილი მიხვედით სახლში და აღმოაჩინეთ, რომ პური ან სხვა ძალიან მნიშვნელოვანი პროდუქტი აღარ გქონიათ. რამხელა დისკომფორტია, რომ გიწევთ შორ მანძილზე გასვლა ელემენტარული ნივთის შესაძენად. ასეთი უსიამოვნების თავიდან აცილების მიზნით, სანამ ბინას შეიძენთ დააკვირდით არის თუ არა ახლოს სავაჭრო ობიექტები.
ავტოსადგომი
მანქანის გაჩერება ყოველდღიურად რთულდება და ეს პრობლემა არა მხოლოდ ცენტრალურ ქუჩებს ეხება, არამედ საცხოვრებელ კორპუსებსაც. უკვე თითქმის შეუძლებელი ხდება ადგილის გამოძებნა სახლთან ახლოს მანქანის გასაჩერებლად. ყოველდღიურად ამ პრობლემის წინაშე რომ არ დადგეთ, აუცილებლად დაინტერესდით აქვს თუ არა კორპუსს საკმარისი რაოდენობის ავტოსადგომები.
შესაძლოა ზემოთ ჩამოთვლილი საკითხები, ვინმეს მეორეხარისხოვნად მოეჩვენოს, მაგრამ რეალურად თითოეულ მათგანს დიდი მნიშვნელობა ენიჭება და გავლენას ახდენს თქვენი ცხოვრების ხარისხზე. ისეთ სტრესულ გარემოში არსებობა, როგორშიც თითოეულ ჩვენგანს ყოველდღიურად უწევს ყოფნა, აუცილებელს ხდის, რომ სახლში შეიქმნათ მაქსიმალური კომფორტი, რათა შეძლოთ განტვირთვა და დასვენება.
(R)