საქართველოში სასტუმროების ფასების ინდექსი 2022 წლის ნოემბერში, 2022 წლის ოქტომბერთან შედარებით, 6.6%-ით შემცირდა, მათ შორის 3, 4 და 5 ვარსკვლავიანი სასტუმროების ფასების ინდექსი 6.1%-ით, ხოლო საოჯახო ტიპის სასტუმროების ფასები 8.3%-ით შემცირდა. PMC-ის მიერ მომზადებულ ტურიზმის ყოველთვიურ მიმოხილვაშია აღნიშნულია, რომ სასტუმროების ფასების თვიური ინდექსი ყველაზე მაღალი სამცხე-ჯავახეთში (7.5%) აღმოჩნდა, ყველაზე ნაკლები კი გურიაში (-16.3%).
2022 წლის ნოემბერში, 2021 წლის ნოემბერთან შედარებით, სასტუმროების ფასების ინდექსი 16.8%-ით გაიზარდა, მათ შორის 3, 4 და 5 ვარსკვლავიანი სასტუმროების ფასების ინდექსი 14.7%-ით, ხოლო საოჯახო ტიპის სასტუმროების ფასები 31.6%-ით გაიზარდა. წლიური ინდექსი ყველაზე მაღალი იყო თბილისში (22.8%), ყველაზე ნაკლები კი კახეთში (-7.0%).
2022 წლის ნოემბერში, საქართველოში 3-ვარსკვლავიანი სასტუმროების საშუალო ფასმა 155 ლარი შეადგინა, ხოლო 4-ვარსკვლავიანი სასტუმროების საშუალო ფასმა - 233 ლარი. საოჯახო ტიპის სასტუმროების8 საშუალო ფასმა ნოემბერში 114 ლარი შეადგინა.
5-ვარსკვლავიან სასტუმროთა საშუალო ფასმა ოქტომბერში 419 ლარი შეადგინა. კახეთში ამ ტიპის სასტუმროებში, სტანდარტული 2-ადგილიანი ნომრის საშუალო ფასმა 575 ლარი შეადგინა, თბილისში - 554 ლარი, გურიაში - 381, ხოლო აჭარაში - 344.