550-ზე მეტი საერთაშორისო კომპანია რუსეთში ბიზნეს საქმიანობას განაგრძობს . Euronews-ი იელის უნივერსიტეტის კვლევაზე დაყრდნობით წერს რომ, ჩამონათვალში მოხვდნენ ევროპული და ამერიკული კომპანიებიც. საერთო ჯამში, კვლევაში 1 389 კომპანიაა წარმოდგენილი, რომლებიც ხუთ კატეგორიად არის დაჯგუფებული.
მათგან 223 რუსეთში საქმიანობას ჩვეულ რეჟიმში განაგრძობს; 162-მა ფირმამ მომავალში რუსული ბაზრის დატოვების პირობა დადო, თუმცა საქმიანობას დღემდე განაგრძობს; 170-მა კომპანიამ მნიშვნელოვნად შეამცირა საქმიანობა რუსეთში; 493-მა სრულად ან თითქმის სრულად შეაჩერა რუსეთში ფუნქციონირება; 341-მა კი სრულად დატოვა რუსეთი.
ის 555 კომპანია, რომლებიც ჯერ კიდევ ოპერირებენ რუსეთში, იელის უნივერსიტეტის კვლევაში შესული კომპანიების 40%-ს წარმოადგენს.
ევროპული კომისიის პრესსპიკერი აცხადებს, რომ ევროკავშირის სანქციები კომპანიებს რუსეთის დატოვებას არ ავალდებულებს