მიხეილ სააკაშვილი 26 დღეა შიმშილობს და მაინცდამაინც ოპერაცია უნდა დასჭირდეს, რომ გადაიყვანონ?! მისი ჯანმრთელობა კრიტიკულად მძიმე უკვე იყო, როდესაც რეანიმატოლოგებმა გადაარჩინეს მისი სიცოცხლე, - ასე პასუხობს მიხეილ სააკაშვილის ადვოკატი გიორგი გელხაური ჯანდაცვის მინისტრის ეკატერინე ტიკარაძის განცხადებას, რომლის მიხედვით, სხვა პატიმრები სამოქალაქო კლინიკებში ქირურგიული ჩარევის მიზნით მოთავსდნენ და თუ პაციენტ სააკაშვილსაც დასჭირდება ქირურგიული ჩარევა, გადაწყვეტილება პაციენტის სასარგებლოდ მიიღება.
გიორგი გელხაურის შეფასებით, სააკაშვილის ჯანმრთელობის მდგომარეობა შეიძლება ოპერაციის გარეშეც მნიშვნელოვნად დამძიმდეს.
"ჯანდაცვის მინისტრს თუ დავუჯერებთ, მოშიმშილე ადამიანს მხოლოდ ოპერაციის საჭიროების შემთხვევაში გადაიყვანენ კლინიკაში. ოპერაციის გარეშეც შეიძლება ჯანმრთელობის მდგომარეობა მნიშვნელოვნად დამძიმდეს. რას ნიშნავს მხოლოდ ოპერაცია თუ ესაჭიროება? 26 დღეა სააკაშვილი შიმშილობს და მაინცდამაინც ოპერაცია უნდა დასჭირდეს, რომ გადაიყვანონ? მისი ჯანმრთელობა კრიტიკულად მძიმე უკვე იყო, როდესაც რეანიმატოლოგებმა გადაარჩინეს მისი სიცოცხლე”, - აღნიშნა გიორგი გელხაურმა.
ipn.ge
გიორგი გეხელაური 
