„საქსტატის“ ინფორმაციით 2021 წელს საქართველოში შაქრის ყველაზე მსხვილი იმპორტიორი ბრაზილია იყო. ქვეყნის წილი საქართველოში იმპორტირებულ შაქარში 46.7 %-ია. იმპორტში მეორე ადგილზე 23. 6 %-ით თურქეთია, ხოლო მესამეზე 17,6 %-ით პოლონეთი.

6.6 პროცენტით მეოთხე ადგილს მექსიკა იკავებს, შემდეგ ადგილზე 2,1 %-ით გერმანია. მას მოსდევს საფრანგეთი 1,7 %-ით და ნიდერლანდები 1%-ით.

რუსეთის, უკრაინის და ბელარუსის წილი საქართველოში იმპორტირებულ შაქარში 0.4 %-ია.

უკრაინაში მიმდინარე ომის პარალელურად პროდუქტებზე მოთხოვნა საგრძნობლად გაიზარდა. პანიკური მოთხოვნაა შაქარზე, რის გამოც მაღაზიები პროდუქტზე ლიმიტს აწესებენ. კერძოდ, ქსელურ მარკეტებში ამ ეტაპზე ერთ მომხმარებელს 5 კილოგრამზე მეტი შაქრის ყიდვა არ შეუძლია.

სავაჭრო ქსელებში შაქრის დეფიციტის გამო „აგარის შაქარი“, იმპორტს აზერბაიჯანიდან გეგმავს. კომპანიაში განმარტავენ, რომ „აგარის შაქრის“ ქარხანას გააჩნია საკმარისი თეთრი შაქრის ნაშთები, რაც პანიკის საფუძველს არ ქმნის.

“ბოლო პერიოდში ხდება პანიკური შესყიდვები, ამის უზრუნველყოფისთვის და რეზერვის ნაშთის გაზრდისათვის პარალელურად, შაქრის იმპორტი დავგეგმეთ აზერბაიჯანიდან. ჩვენ მხოლოდ ქართულ შაქარს ვაწარმოებთ.აზერბაიჯანიდან იმპორტი კი ალტერნატივაა მარაგების შევსებისთვის. ეს იქამდე, სანამ პანიკური შესყიდვებია და სანამ ქარხანა დაიწყებს მუშაობას. წარმოებისთვის ნედლეული შეკვეთილია და გემი გზაშია, ხოლო ქარხანა წარმოებას სრული დატვირთვით აპრილიდან განაახლებს,“ - აღნიშნულია „ბიზნესპარტნიორისთვის“ კომპანიიდან გამოგზავნილ წერილში.

მომხმარებლის გააქტიურების გამო საქართველოში მოქმედმა რამდენიმე სუპერმარკეტმა შაქრის რეალიზაციაზე გარკვეული შეზღუდვები დააწესა, კერძოდ, ერთ პირზე მაქსიმუმ 5 კგ პროდუქტი იყიდება.

რუსეთ–უკრაინის ომის გამო ბაზარზე შაქრის დეფიციტის მოლოდინი რომ უსაფუძვლოა, ის გარემოებაც ადასტურებს, რომ ქვეყანაში შემოსული შაქრის 95% ბრაზილიაზე მოდის.

გასულ 2021 წელს $60 მლნ–ზე მეტი ღირებულების 120 700 ტ შაქარი შემოვიდა, საიდანაც 57 000 ტ ბრაზილიაზე მოდიოდა. საიმპორტო ბაზარზე მეორე და მესამე ადგილს თურქეთი და პოლონეთი იკავებენ.

რუსეთიდან და უკრაინიდან საანგარიშო პერიოდში საქართველოში ჯამში $200 000–ის ღირებულების შაქარი შემოვიდა.