2022 წლის II კვარტალში ვიზიტორების ყველაზე დიდი რაოდენობა, 147.7 ათასი, დაფიქსირდა რუსეთის ფედერაციიდან, რაც ვიზიტორების ჯამური რაოდენობის 19.3 პროცენტს შეადგენს.
„საქსტატის“ მონაცემებით, მეორე ადგილზეა თურქეთი 14.9%-იანი წილით, ხოლო მესამეზე - სომხეთი 12.1%-იანი წილით. შესაბამისად, ვიზიტების ყველაზე დიდი რაოდენობა განხორციელდა რუსეთის ფედერაციის (175.4 ათასი), თურქეთის (158.3 ათასი) და სომხეთის (136.8 ათასი) მოქალაქეების მიერ.
„ჰელისკი ჯორჯიას“ დამფუძნებელი ვატო ასათაშვილი ამბობს, რომ რუსეთიდან შემოსული ნაკადების კიდევ უფრო ზრდა დაფიქსირდება აგვისტოს სტატისტიკაში, რაც ყირიმში ბოლო დროს განვითარებულ მობლენებს უკავშირდება.
„სელექციური შედარება არ არის სწორი. ჩვენ შედარება უნდა გავაკეთოთ ან 2019 წელზე, თუ გვინდა რომ რეალური რეგენერაციის ტემპი დავინახოთ, ან სწორება უნდა გავაკეთოთ, თუ გვინდა მოკლე ვადიანი და პოპულისტური დასკვნები გავაკეთოთ უნდა შევადაროთ 202„1 წლის ანალოგიურ პერიოდთან.
სელექციურად ხან ერთი სამიზნე ავირჩიოთ ხან მეორე ეს უკვე არასწორია.
თუ დავიწყებთ არსებული მაჩვენებ;ლების 2019 წელთან შედარებას ცალსახაა რომ რეგენერაციის ტემპით 50%-ზეც არ ვართ, რაც იმას ნიშნავს, რომ ტურიზმიდან ნაკადებიც და შემოსავლები ნაკლებია და ნახევარიც კი არ არის ნორმალური საანგარიშო პერიოდის. თუმცა აქვე გასათვალისწინებელია რა რეალობაშიც ვიმყოფებით და ეს რეალობა არის უამრავი ადამიანი შემოდის არა როგორც ტურისტი არამედ შემოდის დროებითი თავშესაფრისთვის და უკეთესი საცხოვრებელი გარემოს საპოვნელად. ესენი არიან რუსები და ბელორუსები, და მცირედი რაოდენობა უკრაინელების.
მთლიან დინამიკაში თუ შევხედავთ თუ აქამდე ჭარბობდა მეზობელი ქვეყნები აზერბაიჯანის, სომხეთის და თურქეთის ტრანზიტები იმიტომ რომ არ გვინდა ადრეც ვატარებდით ტურიზმის სტატისტიკაში მაგრამ მაშინ ცალსახა იყო რომ ამ სამი ქვეყნის კომბინაციის უმეტესობა იყო მაინც ტრანზიტი. თუ აქამდე ტრანზიტში სამი ქვეყანა იყო დომინანტი:თურქეთი, აზერბაიჯანი, სომხეთი ამ შემთხვევაში უკვე რუსეთი გვყავს.
უკრაინაში ომის გამო ძალიან ბევრი ადამიანი შემოვიდა შემოვიდა საქართველოში , ამას დაემატა ტურისტულ სეზონზე შემოსული ადამიანები და პლუს ტრანზიტი. საკმაოდ დიდი ნაკადები რუსეთიდან წამოვიდა სომხეთსა და აზერბაიჯანში მათ შორის თურქეთშიც, ვიცით რომ თურქეთთან რუსეთს უვიზო მიმოსვლა აქვს და ძალიან ბევრს ვისაც შესაძლებლობა არ ჰქონდა ძვირადღირებული დასვენებით დიდი ხნით დაესვენა და საზღვაო მიმოსვლაც არ იყო, სწორედ ამიტომ საქართველოს გავლით წამოვიდნენ.
საბოლოო ჯამში ომის დაწყების დღიდან რუსეთის 350 ათასიდან 400 ათასამდე მოქალაქემ გადმოკვეთა საქართველოს საზღვარი, რისი დიდი ნაწილიც 100 ათასზე მეტია ვინც შემოვიდა დარჩა და ეს ხალხი შესაძლოა დარჩნენ აქ 3 თვე 6 თვე თუ ერთი წელი.
გასათვალისწინებელია ყირიმის ფაქტორიც. ყირიმში აფეთქებამ გამოიწვია ნაკადების ზრდა და ეს უკვე ასახვას უფრო აგვისტოს სტატისტიკაში პოვებს, რომელიც სექტემბრის დასაწყისში გამოქვეყნდება“, — აცხადებს ვატო ასათაშვილი.