ალფა დაზღვევამ 20 დეკემბერს საახალწლო კამპანია დაიწყო, რომელიც ახლაც გრძელდება. კამპანიის იდეის, განხორციელებისა და მიზნების შესახებ ალფა დაზღვევის მარკეტინგისა და საზოგდაოებასთან ურთიერთობის დირექტორს – მარიკა ომანიძეს ვესაუბრეთ.
მარიკა, რა არის კამპანიის იდეა?
ზოგადად დაზღვევა საახალწლო პროდუქტი არ არის, უფრო სწორედ მთლად საახალწლო პროდუქტი არაა. წელიწადის ამ პერიოდში ჩვენი მოსმენა მთლად სასიამოვნო და სასურველი არ არის. თუმცა სწორედ საახალწლო სამზადისის, სიჩქარესა და ამაღლებული განწყობას შემოაქვს ჩვენს ყოველდღიურობაში რაღაც გაუთვალისწინებელი შემთხვევები, რომლის დროსაც სადაზღვევო კომპანია გვჭირდება.
ჩვენ არ გვინდოდა საახალწლო განწყობის გაფუჭება, პირიქით, ჩვენი მიზანი იყო მომხმარებლებს კიდევ ერთხელ მოგვეწოდებინა სიფრთხილისკენ, რათა დღესასწაულები ყოველგვარი გაუთვალისწინებელი, არასასიამოვნო შემთხვევების გარეშე გაეტარებინათ.
როგორ ითარგმნა თქვენი მიზანი, კრეატიულ კონცეფციად?
გადავწყვიტეთ მარტივი, ზოგ შემთხვევაში განსაკუთრებულად მარტივი რჩევები მოგვეცა მომხმარებლებისთვის. კონცეფციის განხორციელებისთვის დავამზადეთ ვიდეოებისა და პოსტერების სერია, რომელსაც აერთიანებს მთავარი სათქმელი, სიფრთხილე აუცილებელია, თუმცა – თუ რამეა აქ ვართ! ვიდეოების სერიაში, სათქმელის უკეთ გამოსახატად დახმარება ჩვენი ბრენდის ამბასადორს – მერაბ შარიქაძეს ვთხოვეთ, რომელმაც სხვადასხვა როლი მოირგო და განსხვავებული სიტუაციებიდან მოგვცა რჩევები.
ვინ იმუშავა კამპანიაზე?
კამპანიის კრეატიულ ნაწილსა და უშუალოდ განხორციელებაზე სარეკლამო სააგენტო – სვიფტ დიჯითალის გუნდა იმუშავა. პირველ ეტაპზე შეიქმნა კრეატიული კონცეფცია, გაიწერა დეტალები და დაიგეგმა გადაღება. განსაკუთრებით სასიამოვნო და სახალისო აღოჩნდა ე.წ. პოსტფროდაქშენი, სადაც უკვე ცხადად დავინახეთ ჩვენი იდეის რეალურად განხორციელებული შედეგი.
როგორია კამპანიის განვითარება?
იმისათვის, რომ უფრო მძაფრად გვეჩვენებინა, რომ „თუ რამეა, აქ ვართ“, კამპანიის გაშვების პარალელურად გადავწყვიტეთ, რომ სხვადასხვა კომპანიისა თუ ბრენდის მომხმარებლებისთვისაც გაგვეჟღერებინა ჩვენი სათქმელი. ამიტომ არ უნდა გაგიკვირდეთ, თუ რომელიმე ბრენდისა თუ კომპანიის საახალწლო კომუნიკაციის შორიახლოს ჩვენც გამოვჩნდებით და მსგავსი პლატფორმებიდან შეგახსენებთ, რომ „თუ რამეა, აქ ვართ“.
აღსანიშნავია ის ფაქტიც, რომ საახალწლო კამპანიის ფარგლებში არ დაგვავიწყდა ჩვენი წილი სოციალური პასუხისმგებლობა და ვიდეოების შინაარსით შევეხეთ სხვადასხვა სოციალურ პრობლემებს, იქნება ეს პიროტექნიკის გამოყენებისას დამდგარი ზიანი თუ ავტომობილის არაფხიზელ მდგომარეობაში მართვა. ეს ის შემთხვევებია, როცა „აქ არ ვართ“.