„ამ საქმეს, როგორც საქართველოში, ასევე ამერიკაში, ძალიან ბევრი სკეპტიკოსი ჰყავდა“ - ასე აფასებს იურიდიული ფირმა BLB - პარტნიორი კახა შარაბიძე   „ნონა გაფრინდაშვილი VS NETFLIX“ -ის  საქმეს. მისი თქმით, აღნიშნულმა დავამ აშშ- ის მართლმსაჯულებაში თვისი კვალი დატოვა.

 „ფაქტობრივად ამ ქეისით  ამერიკულ მართლმსაჯულებაში ჩვენი კვალი დავტოვეთ, სადაც მთავარი ფაბულა არის ის, რომ მხატვრული ნაწარმოები პატივის და ღირსების შელახვისთვის თავისუფალ ზონას არ წარმოადგენს. კინო ინდუსტრიისთვის ეს იყო პრეცედენტული, ვინაიდან  სწორედაც რომ ძალიან ბევრი ამ ინდუსტრიაში მოღვაწე იმ მხარეს მყოფი ინდუსტრიის  წარმომადგენლები სხვაგვარად  შეხედავენ  ამ თემას.  და  უკვე რამდენიმე ანალოგიური სამართლებრივი ქეისი წამოვიდა. ჩვენ გვქონდა საშუალება, რომ ამ ქეისის შექმნაში მთავარი რგოლი ვყოფილიყავით“, - აღნიშნა  კახა შარაბიძემ.

სერიალში „ლაზიერის გამბიტი“ საუბარია იმაზე, რომ ნონა  გაფრინდაშვილი არის მსოფლიო ჩემპიონი ჭადრაკში, თუმცა მას არასდროს უთამაშია კაც მოჭადრაკესთან. ასევე საუბარია იმაზე, რომ ნონა გაფრინდაშვილი არის რუსი მოთამაშე, აღნიშნულმა საკითხმა ნონა გაფრინდაშვილის აღშფოთება გამოიწვია.

„აქ შემოვიდა გენდერული  პრობლემა, ეს ბევრმა  სექსისტურ  განცხადებად მონათლა. აღნიშნული საკითხი სამართლებრივ არგუმენტად გადაქცევისთვის, საკმაოდ რთული მოცემულობა იყო. მე ბედნიერი ვარ, რომ ჩემ გუნდთან ერთად ქართველების და  ქალბატონი ნონას ეს გაბრაზება სამართლებრივ არგუმენტად ვაქციეთ და საქმე ბოლომდე მივიყვანეთ, რამაც ქალბატონ ნონას ღირსება აღუდგინა.

პროფესიონალიზმი არის პროფესიონალიზმი და ამ საქმის უკან ჩემი პარტნიორების  უზარმაზარი ადამიანური რესურსია, ჩემი ფირმის  იურისტების, ჩვენი  ამერიკელი  კოლეგების  უდიდესი  წვლილია და  ეს  არის  უმთავრესი“, - აღნიშნა კახა შარაბიძემ.