მსოფლიოში ერთ-ერთმა უმსხვილესმა ინტერნეტმაღაზია Amazon-მა მადლიერების დღის კვირეულში, შაბათს და კვირას, გაყიდვების რეკორდული მაჩვენებელი დააფიქსირა.
მიუხედავად გლობალურად გაზრდილი ინფლაციისა, მომხმარებლებმა ონლაინ შეიძინეს ყველაფერი, დაწყებული New Balance სპორტული ფეხსაცმელებიდან, Nintendo Switch სათამაშო კონსოლებით დასრულებული. როგორც თავად კომპანია Amazon-ში აღნიშნეს, წელს ყველაზე გაყიდვად ნივთებს შორის მოხვდა Fire TV Sticks, AirPods და Champion-ის ტანსაცმელი.
მართალია, Amazon-ს გაყიდვების ჯამური მაჩვენებელი ჯერ არ გამოუქვეყნებია, მაგრამ კომპანიის მიერ გავრცელებული ინფორმაციის მიხედვით, წელს აშშ-ს მცირე ბიზნესების გაყიდვებმა პლატფორმაზე $1 მილიარდზე მეტი შეადგინა.
„საცალო ვაჭრობის ეროვნულმა ფედერაციამ" განაცხადა, რომ წელს მადლიერების დღესთან დაკავშირებით, ხუთ დღიან პერიოდში, ონლაინ იშოპინგა ადამიანების რეკორდულმა რაოდენობამ (196,7 მილიონი). Adobe Analytics-ის თქმით კი ორშაბათს გაყიდვების მაჩვენებელი $11,3 მილიარდამდე გაიზარდა, რაც მას აქცევს აშშ-ს ისტორიაში ყველაზე დიდ ონლაინ შოპინგის დღეს.
Amazon
