2022 წლის მესამე კვარტალში, American Express Co-ს (AmEx) მიერ მიღებულმა შემოსავალმა და წმინდა მოგებამ ანალიტიკოსების მოლოდინს გადააჭარბა.

კომპანიის წმინდა მოგება ივლის-სექტემბერში 1,85 მილიარდ დოლარამდე გაიზარდა, ანუ 2,47 აშშ დოლარამდე აქციაზე. გასული წლის ანალოგიურ პერიოდში აღნიშნული მაჩვენებელი 1,78 მილიარდი დოლარი იყო.

კომპანიის თქმით, საანგარიშო პერიოდში შემოსავალი 24%-ით და 13,56 მილიარდ დოლარამდე გაიზარდა. ამავდროულად, გაიზარდა ხარჯები როგორც საქონელზე, ასევე მომსახურებაზე, ტურიზმსა და გართობაში.

FactSet-ის მიერ გამოკითხული ანალიტიკოსები, საშუალოდ, 13,52 მილიარდი დოლარის შემოსავალს პროგნოზირებდნენ, ანუ 2,40 აშშ დოლარს აქციაზე.

AmEx-მა ასევე ცალკე აღნიშნა საკრედიტო ბარათების მომხმარებელთა ზრდა 3.3 მილიონით. კვარტალში საკრედიტო ბარათების დაკარგვის გამო ჩამოწერებმა $778 მილიონი შეადგინა.

2022 წლის დასაწყისიდან AmEx-ის კაპიტალიზაცია 13%-ით შემცირდა 107,9 მილიარდ დოლარამდე.