აშშ-ის ხელისუფლება აფრთხილებს უცხოურ საგადამხდელო სისტემებს, რომ მათ შესაძლოა, დაარღვიონ რუსეთის წინააღმდეგ სანქციები, თუ ისინი ნებას დართავენ ამერიკის მიერ „შავ სიაში“ შეყვანილი ბარათებით სარგებლობას რუსული და ბელარუსული ფინანსური დაწესებულებებისთვის. ამის შესახებ საუბარია ამერიკის ფინანსთა სამინისტროს მიერ გავრცელებულ განცხადებაში.
ამერიკული მხარის ცნობით, რუსეთისა და ბელარუსის წინააღმდეგ ამოქმედებული სანქციები უკრძალავენ ფიზიკურ და იურიდიულ პირებს შტატებში, მათ შორის, ამერიკულ საგადამხდელო ოპერატორებს და ამერიკულ ბანკ-ექვაიერებს, დაამუშავონ ტრანზაქციები უცხოურ ფინანსურ დაწესებულებებთან, რომელთა მიმართ ამოქმედებულია სანქციები.
უწყების ცნობით, სასანქციო რეჟიმის დარღვევად ჩაითვლება იგივე ქმედებები განხორციელებული არაამერიკული საგადამხდელო ორგანიზაციების მხრიდან, თუ ისინი ხელს უწყობენ ამ ბარათების გამოყენებას შტატებში.
უწყება მოუწოდებს ამერიკულ ფიზიკურ და იურიდიულ პირებს გამოჩინონ სიფრთხილე და ყურადღება არაამერიკულ ოპერატორებთან მუშაობისას, რომლებიც ცნობილი არიან იმით, რომ ემსახურებიან ბარათებს, რომლებიც დასანქცირებულია
სავარაუდო ზომებს შორის უწყება რეკომენდაციას გასცემს ამერიკულ ფიზიკურ და იურიდიულ პირებზე, რათა მათ მოითხოვონ საბანკო მაიდენტიფიცირებელი ნომრები, რომლებიც დაკავშირებულია უცხოურ ფინანსურ დაწესებულებებთან, რომელთა მიმართ მოქმედებს სანქციები და გათიშონ ამ ბარათების მუშაობა შტატების ტერიტორიაზე.