აშშ–ის ხელისუფლებამ ქვეყნის ტერიტორიაზე სიგარეტის ალტერნატივის, გასახურებელი თამბაქოს მოწყობილობის IQOS-ის იმპორტი და რეალიზაცია აკრძალა. აშშ–ის საერთაშორისო ვაჭრობის საკითხთა კომისიამ დაადგინა, რომ IQOS-ის მწარმოებელმა კომპანიის R. J. Reynolds Tobacco Co ორი პატენტი დაარღვია, რომელიც ასევე თამბაქოს გასახურებელ სისტემებს აწარმოებს.
ამის შესახებ ინფორმაციას CNBC ავრცელებს.
IQOS-ს კომპანია Philip Morris აწარმოებს, ხოლო მისი გაყიდვებით კომპანია Altria-ა დაკავებული. მწარმოებელმა უკვე განაცხადა, რომ კომისიის გადაწყვეტილებას გაასაჩივრებს.
აკრძალვა ამ დროისთვის ძალაში არ არის შესული: IQOS-ის გაყიდვა ადმინისტრაციული შემოწმების შემდეგ აიკრძალება. ამისთვის კი, სავარაუდოდ, 2 თვეა საჭირო.
ამის შემდეგ IQOS-ის აკრძალვის შესახებ გადაწყვეტილება პრეზიდენტმა ჯო ბაიდენმა უნდა დაამტკიცოს.