ბიზნესმენმა, ეკონომისტმა და ბესტსელერმა ავტორმა ჰარი დენტმა გლობალური კრიზისი და ფინანსური კრახი იწინასწარმეტყველა, რომლის მსგავსი აქამდე არასდროს გვინახავს. დენტის გათვლებით, ეს ივნისის შუა რიცხვებისთვის მოხდება. ამის შესახებ Bitcoin.com-ი წერს.
ჰარი დენტი S&P 500-ის ინდექსის 86%-ით და NASDAQ-ის 92%-ით დაცემას პროგნოზირებს. მისი აზრით, ამის მიზეზი ცენტრალური ბანკების პოლიტიკაა, რომლებიც ძალიან ბევრ ფულს ბეჭდავდნენ. მისი თქმით, ბიტკოინი, 2021 წლის ნოემბრის მაჩვენებელთან შედარებით 95%-ით დაეცემა და დაახლოებით სამი-ოთხი ათასი დოლარი ეღირება.
„ამ კრახამდე დაახლოებით წელიწადნახევრის წინ ცენტრალურმა ბანკებმა უპრეცედენტო ტემპით დაიწყეს ფულის ბეჭდვა, რათა თავიდან აეცილებინათ კრიზისი. ასეც მოხდა. მაგრამ სინამდვილეში, ღონისძიება არ იყო ეფექტური და ვერ დაიცვა ეკონომიკა ისტორიაში ყველაზე დიდი ვალისგან. ეს კრიზისი უფრო ძლიერი იქნება, ვიდრე მღელვარე ოციანი წლები, რომელიც დასრულდა საფონდო ბირჟებზე კრახით და, ბევრისთვის, სიცოცხლის კოლაფსით. მე ვწინასწარმეტყველებ S&P 500-ის 86%-ით და NASDAQ-ის 92%-იან ვარდნას. ამიტომ მოემზადეთ იმისთვის, რომ ეს იქნება ისეთი ძლიერი კრიზისი, რომელიც მხოლოდ ერთხელ ხდება ცხოვრებაში,“ - აცხადებს ეკონომისტი.
იგივეს პროგნოზირებს ექსპერტების უმეტესობა მთელს მსოფლიოში.
გლობალური აქტივების მენეჯმენტის ანალიტიკოსი ლიზ იანგის თქმით, ახლა კრიზისის სამი ეტაპიდან მეორე მიმდინარეობს. მალე საფონდო ბაზარი კვლავ დაიშლება და შემდეგ ყველა აღიარებს პრობლემას.
„ბევრმა ექსპერტმა თქვა, რომ მარტის საბანკო კრიზისის შემდეგ ჩვენ არ გვინახავს პროგნოზების შემცირება. მე ვფიქრობ რომ ის, რაც ახლა გვაქვს, 6%-იანი უარყოფითი ზრდა კვარტალში, სავარაუდოდ გაუარესდება, მეორე კვარტალშიც მოსალოდნელია გაუარესება“, აცხადებს ლიზ იანგი.
სავალუტო ფონდი აღნიშნავს, რომ ბანკებში არსებული კრიზისი სერიოზულად აუარესებს მსოფლიო ეკონომიკის განვითარების პერსპექტივებს. კრიზისის რისკები ასევე იზრდება მაღალი ინფლაციის გამო, რომელიც გრძელდება პანდემიის ორი წლის შემდეგ და სამხედრო შეტაკებების გამო.