პირველად ისტორიაში, ამერიკელმა მეცნიერებმა კალიფორნიის ლოურენს ლივერმორის ეროვნულ ლაბორატორიაში მდებარე აალების ეროვნულ დაწესებულებაში წარმატებით ჩაატარეს ბირთვული შერწყმის რეაქცია, რამაც ენერგიის მატება გამოიწვია - ამის შესახებ ინფორმაციას CNN ავრცელებს.
ექსპერიმენტის შედეგი ბოლო ათწლეულების მანძილზე უზარმაზარი ნაბიჯი იქნება და ის წიაღისეულ საწვავზე დამოკიდებულების დასრულებას შეუწყობს ხელს. მკვლევრები ბირთვის შერწყმას ათწლეულების მანძილზე ცდილობდნენ.
ბირთვული შერწყმა ხდება მაშინ, როდესაც ორი ან მეტი ატომი ერთ დიდს ერწყმის, პროცესი სითბოს სახით უზარმაზარ ენერგიას წარმოქმნის და მთელს მსოფლიოში ელექტროენერგიას გამოიმუშავებს, რაც მთავარია ის ხანგრძლივ რადიოაქტიურ ნარჩენებს არ ტოვებს.
იგივე შედეგის მისაღებად მეცნიერები ბრიტანეთში უზარმაზარი დონატის ფორმის აპარატთან მუშაობენ, აპარატი აღჭურვილია გიგანტური ფორმის მაგნიტებით, მასში მცირე რაოდენობის საწვავის შეყვანის შემდეგ ეს მაგნიტები აქტიურდებიან და იღებენ პლაზმას, რომელიც მინიმუმ 150 მილიონ გრადუს ცელსიუსის აღწევს, რაც მზის ბირთვის ტემპერატურას ათჯერ აღემატება.
აღნიშნული ქმედების შემდეგ მასა უზარმაზარ ენერგიად გარდაიქმნება და მისი გამოყენება წყლის გასათბობად ორთქლის მისაღებად და ელექტრო ტურბინების ასამუშავებლად გამოიყენება.
შერწყმის შედეგად მიღებული ენერგიის მთავარი გამოწვევა მისი შენარჩუნებაა, რადგან დიდი ხნის განმავლობაში მთელ მსოფლიოში ელექტრო სქემების და გათბობის სისტემების მომარაგება შეძლოს.
როგორც CNN - თან ინტერვიუში მეცნიერები აცხადებენ, მთელი მსოფლიოს მეცნიერებმა უნდა იმუშაონ იმისთვის, რომ შერწყმის პროექტები მკვეთრად გაზარდონ, რადგან შემცირდეს ენერგიის ღირებულება.
თაკო კვაჭანტირაძე